【8.31行動】銅鑼灣爆衝突 戴面罩黑衣人助警拘捕示威者

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

再訪愉景灣|生活旅客博客

2019-8-31 21:00
字體: A A A

一連兩個星期入愉景灣,唔係真係為咗「避世」,而係為咗配眼鏡。

當然,為咗配眼鏡要入愉景灣都係有啲「離地」,因為眼鏡周圍都有得配,點解係都要專登入愉景灣配?無他,因為位驗光師係中學時代嘅師兄,香港第一代有一號牌嘅驗光師。由佢喺理工畢業就配我啲眼鏡,係好有互信嘅老朋友,所以配眼鏡咁重要嘅事,當然要搵自己最信得過嘅專業人士士啦。

其實咁多年以嚟,中間因為各自喺唔同地方做嘢,同這位師兄都「失聯」過好多年,本來以為都未必撞得番,卻居然喺某幾年前嘅工展會迎面重遇。人同人之間嘅緣份,有時真係奇妙得不可思議。

短短個幾星期兩次入愉景灣,世事仍然紛亂,天氣都係忽雷忽雨,就好似社會時局一樣起伏未定。

咁啱今次喺愉景灣撞到位由紐西蘭到香港探仔嘅外籍女士,原來佢哋都好好奇香港人點睇這場風波,點樣估計結果。講真,咁嘅問題試問邊個答得到佢?

惟一可以好肯定話畀佢知嘅嘢,亦係N年前我這位師兄同我講過嘅真理就係:”At the end of the day, all these will become history.”

但願風暴都快啲成為歷史吧。

2019. 8. 29

 

由中環3號碼頭坐船入愉景灣,風雲變色,有如目下紛擾嘅時局。

陰雨中嘅愉景灣。

希望風雨漸去,回復平靜。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年8月31日 下午9:00

發表評論

讀取中…
政府:貿然重啟政改加劇社會分化 做法不負責任