【8.24觀塘遊行】警方晚上驅散龍翔道示威者 並於黃大仙站外戒備(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

愉景灣|生活旅客博客

2019-8-24 21:00
字體: A A A

印象中嘅愉景灣,一向係個好「富貴」嘅地方。

當年第一次入愉景灣,係成班同事去一位英國expatriate同事嘅屋企。一間house,出入坐高爾夫球車,成個地方都好有外國風格,所以覺得真係個好「富貴」嘅社區。

講起嗰位英國同事,更加有段奇妙嘅姻緣:當年佢公司派佢由英國去杜拜做嘢,而佢夫人係一位馬來西亞人,亦由馬拉去杜拜做嘢。於是兩個天南地北嘅人,就喺世界某一個點相遇,成為夫妻,充份演繹咗咩叫做緣份。

講番最近一次入愉景灣,係啱啱嗰個星期一,入去搵一位中學時就已經認識嘅同校師兄。原來而家入愉景灣嘅中環3號碼頭外嘅爛地已全部整頓好,就係中環連接灣仔同北角嘅隧道入口。之前嘅工程爛地而家就靚番晒,感覺由香港站沿IFC可一路步行過嚟,更係「有瓦遮頭」亦方便多了。

由中環坐船到愉景灣只係約20分鐘,但船費唔平,要46個幾,真係幾貴。

至於愉景灣就冇乜大改變,仍然好似自成一隅,喺而家紛亂嘅時局中保持悠閒嘅感覺,都算係一處「淨土」吧。

入愉景灣,暫離煩囂、偷得浮生,可以培養吓「平常心」,或者可以作為度過近期都紛紛擾擾週末嘅一種選擇吧。

2019。8。22

圖片說明:

1. 中環入愉景灣嘅3號碼頭外嘅工程已經完成,爛地都整頓好哂,好靚。

2. 喺紛擾嘅時局中,自成一隅嘅愉景灣仍然顯得悠閒寫意。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年8月24日 下午9:00

發表評論

讀取中…
一百分完美員工|陳頌紅網誌