神秘貨船運兵到港,極左陣營凖備鎮壓!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

地鐵|生活旅客博客

2019-9-7 21:00
字體: A A A

由當年港英政府提出興建地鐵之初遭到好多反對聲音,到這幾年地鐵已經成為香港人生活中不可或缺嘅交通樞紐,再到近月逆權運動中嘅地鐵不合作運動、地鐵站內放催淚彈、拉人打人等一連串嘅事件,令平時習以為常嘅搭地鐵行為都變得「特別」。

近幾個星期,可以「順利」搭地鐵,都已經算係一種幸運了。

8月31號之後,地鐵站內更多咗好多著粉紅色背心嘅工作人員,應該係負責應變隨時會發生喺地鐵內嘅「特別事故」。

坦白講,今次由修訂逃犯條例而引發嘅已持續近3個月嘅逆權風暴,已發展到之前絕大多數香港人都冇諗到會搞成今日咁似乎無可收拾嘅情況。我身邊嘅好多曾經積極參與過100萬、200萬人和平遊行嘅「和理非」朋友亦忽然靜止晒,大概都包含著疲憊同無奈吧。

好多我接觸到嘅人嘅「共識」,都覺得罪魁禍首係外號三柒嘅特首。荒謬嘅係,一件一手無風起浪、令到香港這個國際城市無端陷入這場大災難中嘅無知婦人,到而家卻居然都重話要「帶領」香港「走出困境」,真係令聞者目瞪口呆。

更加荒謬嘅係,咁樣嘅一件「極品」,佢腦細重要死撐佢。忽然諗起有史學家評論歷史:「世人都鬧秦檜,但歸根結底,如果冇趙構,又點樣成就秦檜呢?!」

2019. 9. 6

非常時期下,能夠順利搭到平時習以為常嘅地鐵都變得珍貴。

近來草木皆兵。地鐵站外一有人聚集,大家就會好緊張。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月7日 下午9:00

發表評論

讀取中…
【太子襲擊】政府發嚴正聲明否認有致命事件發生 對不負責任謠言在網上散播感遺憾