【太子襲擊】民間記者會批港鐵變「黨鐵」 促交出完整閉路電視片段(有片)

唔好太怪責自己做得唔夠多!|銘爺|的士佬隨筆

2019-9-14 10:00
字體: A A A

中環機鐵站!
「師傅唔該,行西隧去大埔!」
「麻煩去到帶一帶路!」
「好呀,唔該司機!」

(兩男一女,黑衫黑褲,目測廿五至三十,仲有紅十字標誌)
剛開車!
靚女忍唔住,
同兩男傾訴今日,佢見到嘅,所做嘅!
中環去到沙田從沒有間斷,
所提及內容,
也不能盡錄!
有骨折嘅,亦有昏迷嘅,又要催促年幼學生離開,穿梭於催淚煙中,疲於奔命!
小弟感覺到,
靚女所受壓力,
非常之沉重!
慚愧,真係好慚愧!
小弟只係出嚟行兩步叫兩句口號,但比起佢地無私嘅行為,簡直係有天淵之别!

沙田至大埔路上!
小弟膽粗粗,
播咗一首歌,
以作鼓勵!
《Sound of Silence》
(Wana Winner)
殊不知,音樂還未結束,三人已經流下眼淚!
小弟眼淺,亦開始眼濕濕!

直至去到大埔,
小弟強忍淚水,
「你哋要記住,
無論發生任何事,都要好好保護自己!
唔好令身邊嘅人擔心!」
「多謝司機關心,
有緣再見!」
唉!又係有緣再見,每次去接仔,佢地最後都係講呢句!

我有一個結論,
就係每次遊行,基本上大多數示威者都係互不相識,當每次結束後,唔知有冇機會再見,所以都會同對方講,有緣再見!
但我會繼續去接仔,
直至打赢場仗為止!
願榮光歸香港

喂喂喂!
阿銘爺!
唔好太怪責自己做得唔夠多!
兄弟爬山,
各自努力!
盡做就得架喇!
各有各傷心,
各有各傷痕!
開工啦!
下一站!:天台(天文台道)

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月14日 上午10:00

發表評論

讀取中…
女將搞公關,越幫越忙|王陸|關公拆局