差佬越嚟越殘暴,原來去過新疆「考察」!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

中秋|生活旅客博客

2019-9-14 21:00
字體: A A A

一年容易又中秋。

然而,2019年嘅中秋對香港人嚟講卻絕對唔容易。

逆權運動仍然進行。因為近期嘅衝擊地鐵事件,港鐵宣佈今年中秋唔會通宵行駛,而民陣申請9月15號嘅遊行又被警方拒絕。8月31日太子站嘅警察打市民事件更令「打死人」嘅傳聞言之鑿鑿……

總之,今年中秋節,仍然充滿「火藥味」,而香港人都應該會喺忐忑中渡過。

我好多好「理性」嘅朋友,對831港鐵「打死人」嘅傳聞都半信半疑,唔敢完全否定這種可能。

對於這種打死人後毀屍滅跡,甚至連報案嘅屋企人都一併「被消失」。看似荒謬嘅傳聞會喺香港咁樣嘅國際城市發生,居然都令咁多人唔敢完全否定,可見成個政府已經係完全誠信破產,真正嘅「壽終正寢」。

可悲嘅係政府卻依然繼續做更多破壞信任嘅事,比如設立啲咩篤背脊WhatsApp熱線,委任全無公眾信服嘅「自己人」入監警會、醫管局等。如此這般,對緩和事件都完全冇幫助,卻更似火上加油。

其實大部份香港人只想平安過日子,唔想「被攬炒」。

當年中秋,嫦娥奔月,一去冇回。

香港嘅月娥如果都學似奔月嘅嫦娥,咁就好了。

2019.9.13


雖然一如往年,屋苑都有中秋節燈飾,但今年嘅時局卻令氣氛變得冷淡。


2019年嘅中秋節清晨。願我城平安。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月14日 下午9:00

發表評論

讀取中…
張曉明再添死罪:挾妹仔以令香港!