【屯公再光復】港鐵將關屯門元朗站 或隨時再關車站出口

救人一命勝做七級陳豪,係值得嘅!|銘爺|的士佬隨筆

2019-9-21 10:00
字體: A A A

早兩日睇網上新聞,見到有個年青人,被制服喺地下,滿面鮮血,令小弟諗起大約三十年前嘅往事!
黄竹坑村!
喺呢度長大,
喺呢度學壞!
朝早返工嘅繁忙時間,
小弟如常帶住,返工一條蟲,放工一條龍嘅心情,準備行去巴士站!
離遠見倒有個婆婆耷低頭,坐左喺馬路邊!
望多兩望,見到婆婆好似流緊血!
唔諗咁多,一個箭步行埋婆婆身邊!
婆婆你有咩事呀?我有乜嘢可以幫到你?
婆婆抬高頭答我,我比個新抱打!佢仲咬我個嘴!
婆婆個嘴唇有一嚿肉反左出嚟,一路講一路流緊血,加上地下一大攤血!!!
自問大膽嘅我,都嚇咗一跳!
婆婆你唔好講嘢住!
連隨坐喺婆婆身邊,一邊安慰佢,一邊諗,有乜嘢辨法幫倒婆婆?
喺呢個年代莫講智能手機,連手提電話都未興起!
電話?
士多可以借電話,隨即轉身向後望!
文具舖,診所,士多!
咪住,診所!!!
頂!仲話喺度住左咁耐!
婆婆妳行唔行倒?
婆婆點頭,小弟就扶婆婆入診所!
嘩!咁好生意!
目測最少有十幾人喺倒等緊見醫生!
安頓左婆婆坐低後,行去領藥處!
姑娘唔好意思,有個婆婆流左好多血,可唔可以通知醫生幫佢止咗血先?
先生!唔好意思,有好多人等緊,請你登記咗先,再排隊等!(頂,登記得嚟,再排隊,婆婆都瓜咗啦!)
冇計,刻不容緩,情急之下,直接行去醫生房!
房門虛掩,敲左兩吓門!
乜嘢事?
醫生麻煩你幫出面個婆婆止咗血先呀!佢流咗好多血,唔該你呀醫生!
醫生隨即了解婆婆傷勢,吩咐姑娘叫白車,再幫婆婆治理!
唉!放心晒!
姑娘,唔好意思,頭先未得妳同意就走咗去醫生房!
姑娘望住我微笑咗一吓!
我趕住返工,交晒畀妳喇!
就係咁,足足遲左半粒鐘先返到公司,連呢個月嘅勤工獎都冇埋!
不過,救人一命勝做七級陳豪,係值得嘅!
喂喂喂!
阿銘爺!
恭喜你上左寶貴嘅一課!
規矩係死嘅,
人腦係生架!
開工啦!
下一站:貪屎(Time’s)

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月21日 上午10:00

發表評論

讀取中…
以假亂真,地上最強|常月明網誌