寂寞代名詞|陳頌紅網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

逆權。藝術|生活旅客博客

2019-9-21 21:00
字體: A A A

18同19號兩晚到香港藝術中心幫朋友做義工,參與韓國映畫大賞及分享會。兩晚播嘅電影,分別係《逆權公民》同《逆權司機》。

朋友係位有心人,同好多熱愛自己屋企嘅香港人一樣,喺6月開始嘅逆權運動中都希望略儘棉力為香港做番啲事。當然,對我哋一班「和理非」嚟講,除咗100萬、200萬嘅大遊行外,係唔會參與任何「勇武」嘅行動,更加唔會做任何訴諸暴力嘅嘢。但當眼見執法不公、社會被撕裂到支離破碎,雖然要堅持和理非,但真覺痛心疾首。於是朋友就諗到用藝術 ~ 電影放映同分享會,希望喚醒更多沉默者。電影會相關費用都係一眾朋友自掏腰包,門票係免費派發,更特別用「親子」作為目標,鼓勵年輕人同屋企持唔同政見嘅長者一齊嚟睇,以增進佢哋對年輕人同時局嘅了解,減少撕裂。

這種以藝術形式表達訴求、推動社會運動嘅手法和平理性,效果亦令人鼓舞。雖然係免費派飛,但每晚電影播放完後都籌到可以抵銷成本嘅捐助,可以再加開新場畀更多觀眾參與,循環不息。

令人感動嘅係第二場放映會開場前,有一位喺第一場睇過嘅觀眾特登返嚟捐款,佢話第一場時冇帶太多錢喺身,所以第二日專程返嚟做捐款的。

曾經有位做音樂嘅朋友亦講過,音樂都可以作為好有力嘅「抗爭」手段。最近非常流行嘅《願榮光歸香港》,旋律歌詞都動人心弦,更有英文以至日文版傳播國際,正好印證咗朋友嘅見解。

作為典型嘅「和理非」,我都希望有更多朋友通過有創意嘅藝術手法為香港這次嘅逆權運動貢獻力量,更希望社會早日復原,榮光歸於我城。

2019. 9. 20

 

一眾和理非朋友自掏腰包搞嘅韓國電影放映及分享會,希望以藝術同和平嘅方法為社會公義發聲。

藝術中心特別嘅建築風格,同今次電影放映會場地。

藝術中心內嘅一臺鋼琴,琴上有「Hope」希望嘅大字 ~ 藝術的確可以為人帶嚟希望。19號晚,更巧遇有朋友喺現場即席彈奏《願榮光歸香港》,動人心弦。

藝術中心內可愛嘅壁畫,睇咗令近期鬱結嘅心情都放鬆唔少。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月21日 下午9:00

發表評論

讀取中…
【移交逃犯修例】消息指警獲法庭手令 要求九巴交乘客八達通資料