【新屋嶺人權集會】被捕人控訴遭施虐性侵 警用消毒藥水毀滅證據

黑白不分,人性之爭!|銘爺|的士佬隨筆

2019-9-28 10:00
字體: A A A

師傅,將軍澳康盛!
行東隧?
好呀,唔該!
兩男兩女,四人年紀相約,年近半百!
後排中座女士首先開口問,
今日班躝癱有冇出嚟攪事?
咦?藍絲?一如以往嘅我,
喺呢啲情况,係絕少搭咀!
聽吓佢哋講乜嘢都好!
坐喺佢左手面嘅女士答佢,
有呀,今日喺中環玩嘢!
如事者,四人開始互吹,
這個不是,那個不是,吹到興高采烈之際,中座女士突然爆左一句,嬲嬲哋真係想攬住個炸彈衝埋去,炸死晒班躝癱!
嘩!去都咁盡!
攪到小弟忍唔住,
要同佢過兩招!
靚姐,呢個辨法唔夠徹底!
佢望一望我,我繼續講!
第一,妳冇必要白白犠牲!
第二,一個炸彈係死唔晒!
應該係喺佢地遊行最多人嗰時,喺兩邊一頭一尾,擺兩架坦克車,轆死晒佢地!
師傅!好辨法喎,我真係冇諗過用坦克車添!
我頂!妳唔係當真吓!
真係遇到高手!
於是,小弟加多兩錢肉緊!
如果死唔晒,再搵架飛機放兩粒炸彈落去,一了百了!
啪,啪,啪,啪!
今次佢仲拍手讚我,
師傅好野!
(都唔知佢真痴定係假傻)
小弟話風一轉!
不過咁喎,就算啲躝癱死晒,問題都係冇解决到,
咁點呢?
問乜野題啫!總之啲躝癱死晒就冇問題啦!
哦!遲啲香港人嘅細路,要食三鹿奶粉、飲鉛水、打假疫苗、住豆腐渣樓、去投訴就比人扑爆個頭,咁點算好?
佢望住我,足足諗左兩秒,
唔會掛?!
大家咁話啦,我都希望唔會!
全車靜晒,直至到達目的地!
感覺到佢地諗緊野,
諗緊乜?你懂的!
喂喂喂!
阿銘爺!
一樣米養百樣人!
黃藍不同,亦可共融!
黑白不分,人性之爭!
開工啦!
下一站:APM(創紀之城)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年9月28日 上午10:00

發表評論

讀取中…
林鄭出生天,放眼新世界|王陸|關公拆局