【禁蒙面法】元朗中槍少年情況轉穩定 今日因涉嫌參與暴動及襲警被捕

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

鹽田梓|生活旅客博客

2019-10-5 21:00
字體: A A A

身為「西貢友」嘅我,2017年4月第一次去臺南嘅井仔腳鹽田,舊年8月重遊,卻從來未去過香港西貢嘅鹽田梓。

今次返香港,適逢屋苑搞旅行去鹽田梓,就報名成行,總算冇愧對「西貢友」嘅身份。

老實講,去鹽田梓,感情分多於觀光分,尤其去過臺南嘅鹽田,嗰度好大,一望無際。相比之下,西貢嗰個丁方之地就失色多了。

不過鹽田梓始終係喺香港已經鳳毛麟角嘅滄海遺珠,為其身份添加咗矜貴。梓,有思念故鄉嘅意思。以前皇帝駕崩用嘅棺,亦稱為「梓」。今時今日嘅香港,變得紛亂而陌生。到鹽田梓,就更難免令人撫今追昔,唏噓不已。

當日首次去臺南嘅鹽田,正值特首換屆,當時香港同樣紛紛擾擾,卻萬萬冇諗到只兩年幾之後,紛擾未止,紛亂更頻盈,而一粒子彈,更打碎咗好多香港人嘅心。

或者,我哋所思念嘅家鄉,只會變成「梓」,留喺記憶中了。

人生,係一場旅行。筆落至此,卻諗起一首歌名:「人在旅途灑淚時」。

2019. 10. 3

 

西貢鹽田梓,同當地著名嘅聖約瑟教堂。

鹽田梓唔大,其實只係丁方之地。

相比之下,臺南井仔腳鹽田就大得多啦。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年10月5日 下午9:00

發表評論

讀取中…
【禁蒙面法】數百市民九龍組人鏈遊行抗議立法 晚上7時半左右和平散去(有片)