【禁蒙面法】林鄭:昨晚發生「極為恐怖」暴力事件 成立法堅實理據

人心唔回歸!點解?!|銘爺|的士佬隨筆

2019-10-5 10:00
字體: A A A

主權移交廿幾年,
當權者,口口聲聲,
人心唔回歸!點解?!
強如鄧小平,
當年大可揮軍南下,
以鎮壓手段重奪香港!
點解鄧小平最後冇咁做,
而係講咗一句!
香港人放心,
香港只係換支國旗!
馬照跑,舞照跳!
港人治港,高度自治,
五十年不變!
當時嘅香港人,已經開心到不得了,仲要擁抱回歸!
哦!回歸咗就反面唔認人!
其實話比您哋聽啦,
香港人係要𠱁㗎!
況且,而家香港人要嘅嘢,
係你哋白紙黑字,喺基本法寫得清清楚楚,亦都冇要多你一樣嘢!
好喇!而家鬧又鬧過,打又打過,連實彈都用埋!
而你哋做嘅所有嘢,
都係要香港人驚,
要香港人屈服!
屈服者:
民心散漫,寸步難行!
心服者:
揮軍如水,彈指之間!
善用香港人,互惠相赢!
利用香港人,作法自斃!
西方人眼中嘅東方之珠,
亞洲人眼中四小龍之首!
全靠一套健全嘅制度!
公平法治,優秀警隊,
及一群鍥而不捨,
默默耕耘嘅香港人!
缺一不可!
喂喂喂!
阿銘爺!
強權之下冇公理,
屈服容易心服難!
唉!睇吓香港人嘅造化啦!
香港人,加油!
開工啦!
下一站:PP(太古廣場)

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年10月5日 上午10:00

發表評論

讀取中…
警察記招無效、建制翻身無期|王陸|關公拆局