【移交逃犯修例】《南早》引消息指郭蔭庸麥展豪將交換職位 以提升警方戰術靈活性

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

無言的結局|生活旅客博客

2019-10-12 21:00
字體: A A A

10月6日,以緊急法例訂立嘅反蒙面法生效第二日,一張滿臉稚氣嘅示威女仔被警察圍住嚇到爆喊嘅相片,牽動好多人。

朋友中有黃有藍。黃嘅,會怒罵警察濫暴濫捕,連細路女都蝦,與民為敵、欺凌弱小……

藍嘅,會痛恨抗爭者沒完沒了,煽動心智未成熟嘅年輕人去做違法嘅事,參加暴力示威,推佢哋去面對這種可能遺留一世嘅創傷……

同一張相,兩種極端解讀,完全演繹咗 「We see the world, not as it is, but as we are。」

好不幸,到而家好多人仍然選擇各走極端,更遑論會嘗試用對方嘅觀點去稍稍思考吓件事。

「所羅門的審判」係一個諺語,出自聖經列王紀上3章16-28節,記載兩位新生兒嘅母親帶著一名男嬰來到所羅門王面前,各自話嬰兒係自己嘅。互不相讓。

所羅門王思索咗一吓,吩咐攞刀嚟。佢宣布只有一個公平嘅解決方案:將活著嘅孩子劈為兩半,每個母親得到一半。當聽到這個可怕嘅裁決時,男孩真正嘅母親喊道:「我主啊,將活孩子畀嗰個婦人吧,絕不可殺他!」但那位說謊者,出於嫉妒同憤恨,說:「這孩子也不歸我,也不歸你,把他劈了吧!」所羅門王立即將孩子畀番真正嘅母親。因為真正母親出於本能將保護佢嘅孩子,而說謊者顯示出她並不是真正愛這個孩子。

我嘗試將這故事重複講畀我黃同藍嘅朋友聽(雖然相信佢哋好多都聽過)。

對我而言,無論漠視民意、專權而不仁嘅政府,或者以此為藉口,鼓勵用破壞同暴力對抗、提倡攬炒嘅勇武者,都完全冇資格話佢哋係愛香港,都係說謊者。

以暴易暴,沒完沒了。以眼還眼,只會令天下目盲。

個細路女嘅結局會點,我唔知道。我只知道,再咁落去,成個香港,都只會有個令人無言的結局。

2019. 10. 11

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年10月12日 下午9:00

發表評論

讀取中…
疑立場分歧 蔡維邦辭任大律師公會副主席