警隊大地震,投訴警察課撥歸廉署!

【移交逃犯修例】僅部分警員展示新式「行動呼號」 汪威遜:警方每日做十幾個鐘

2019-10-28 20:30
字體: A A A

香港示威持續多月,部分警員在過去兩日的行動中展示新式的「行動呼號」,但便衣警員卻沒有展示。行動部高級警司汪威遜於今午記者會上表示,行動呼號與警員編號功能相同,每名警員都有獨有的行動呼號,故可以透過行動呼號辨識警員身份。

被問到便衣警員沒有展示警員編號與行動呼號,如何令人辨識,汪威遜認同記者的說法,強調警方會在行動期間不斷檢視,思考如何做得更好。他反問大家為何一定要警員展示編號或呼號,放大警員無法讓人識別的事件,「不如大家諗一諗,當你每一日做十幾個鐘頭,每一日我哋同事仲要擔心屋企人畀人起底,自己小朋友返學驚有其他任何事情,屋企出入都驚佢哋唔安全,但係我哋同事每一日都仲喺第二度做緊嘢。咁畀你哋又會點樣面對呢個困難呢?」

汪威遜希望大家了解警員承受多大的壓力,又指「大家要畀力量畀我哋警隊去為香港做嘢,我諗支持重要過去挑剔點解警方呢度做得唔好」。他著記者放心,稱管理層一定會與前線警員溝通,要求他們盡量配合安排。

被追問何時可以為所有警員編配行動呼號,汪威遜表示,「如果每一日做十幾個鐘頭,我再額外搵好多機制去做嘢嘅時間,我可以講畀你聽,我要最快嘅時間都唔能夠平時冇事嘅時間咁快啦,係咪呀?」警方要處理每日的街頭暴亂場面,故只能承諾「盡量做、盡快做」,但無法明確說出完成時間。

請支持我們持續發展,透過PayPal或其他方法贊助我們!
金額:
分類:|發表於2019年10月28日 下午8:30

發表評論

讀取中…
游清源:警方記者會「廢」亦有用處 集體杯葛有商榷餘地