【11.2港島】警方入夜後續於灣仔驅散示威者 截查多人(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

墾丁屏東|生活旅客博客

2019-11-2 21:00
字體: A A A

世界太紛亂,時光太怱怱。

一位轉眼相識已經1/4個世紀嘅朋友遠道由加拿大到高雄探我,認真夠晒老友,就安排咗其中一日去墾丁屏東遊。

眨眼間,上次去墾丁屏東已經係3年前嘅事。今次再去,景物依舊,但就靜咗好多,因為臺灣都少咗好多「陸客」。一般去墾丁同屏東,起碼會喺墾丁住一、兩晚。但因為朋友只係逗留幾日,有好多景點要去,所以就安排day trip走馬看花,睇晒墾丁同屏東嘅幾個主要地標,打吓卡,就算。

到墾丁嘅第一站係因為電影海角七號而出晒名嘅小白屋。一套跨越兩代嘅中日愛情片,浪漫情節加迷人景緻,幾乎係所有情侶必到之地。而今次去,我又一如既往,扮演住超級電燈膽嘅角色。

成個行程最精彩嘅係晏晝嗰餐飯,簡直食到舔舔脷,老闆重話show同佢嘅合照第日再去食就有優惠添。

去完墾丁喺回程時到屏東嘅琉璃吊橋,一般開到4點半,但因為冬天只開到3點半。我哋遲咗幾分鐘至到,只能喺橋嘅前面影相打卡,算係叫做到過吓。

其實重要嘅唔係景點,係同邊個一齊。雖然作為電燈膽,但同一位相識咁耐嘅莫逆之交一齊,完全唔會有咩「違和感」,相信佢同佢嘅另一半都係啦。

但願友誼永固。

2019. 11. 1

著名嘅海角7號白屋仔。

狀似鬼佬鼻哥嘅石,係墾丁海岸其中一個著名景點。

墾丁嘅海岸,真係好靚。

枋寮嘅海鮮餐廳。

枋寮海鮮餐廳嘅美食,食到嘴舔舔。勁好味。

屏東琉璃吊橋。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年11月2日 下午9:00

發表評論

讀取中…
【移交逃犯修例】《蘋果》:警員用不易脫色水筆於被捕人士手臂寫編號 律師批評有如納粹