【移交逃犯修例】解放軍「自發」清路障 呂秉權:違駐軍法,憂逐步踩底線

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

脫稿|生活旅客博客

2019-11-16 21:00
字體: A A A

幫852郵報寫博客近兩年,上星期第一次脫稿。話忙,係藉口,其實係因為完全冇心情寫任何嘢。

本來一位認識咗1/4世紀嘅老友遠道由加拿大嚟探我,應該好開心。但愉快嘅心情,好快被香港傳嚟嘅各種新聞破壞淨盡。一個年輕嘅生命,只有22歲,就不明不白咁,喺極多疑問同恐懼中消逝。或者,有啲事係註定:22年前烏天暗地、傾盤暴雨中嘅所謂「回歸」,已註定會將一個曾經光輝璀燦嘅東方明珠帶向墮落同被摧毀嘅深淵,就如每個生命一出世就開始步向死亡一樣,係定數。

今日,1111 光棍日(其實係和平紀念日),卻變成警棍日,何其諷刺。一群完全失控嘅所謂紀律部隊,毫不合理地向示威者開真槍、揸車衝向示威群眾、衝入大學恣意發放催淚彈,更口出惡言挑釁同指駡市民,形同土匪。香港警隊,已全然「回歸」50年代,更有過之而無不及,成為不折不扣嘅有牌爛仔、黑社會惡棍。而罪魁禍首,所謂嘅特首,一副狠毒嘴臉,重顛倒黑白,更將一連串嘅警暴事件輕描淡寫為個別事件,無恥歹毒之極至,無以復加。

總之,香港被殘暴政權蹂躪至此,只能講令人痛心疾首,悲憤莫名。

但做人總要擁抱希望,更要喺危難時保持高度冷靜同克制,至唔會令自己都墮入被仇恨吞噬嘅深淵。

年輕人,請唔好再送命,係好唔值得。更加唔好破壞公共設施,因為咁樣只會嚴重影響民生,卻絲毫影響唔到權貴,反而畀鎮壓者藉口,對示威者施以極刑。

請如榕樹盤堅韌活下去,只要不忘初心。一定要活得比這堆賣港人渣長,就會贏。 因為你哋來日方長,未來係屬於你哋,而唔係這堆老賊。

請多多充實自己並好好活在當下。

「要正面改變世界,我們必須學習做一個善良的強者!」

年輕人,願你們茁壯成長。

2019. 11. 11

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年11月16日 下午9:00

發表評論

讀取中…
【移交逃犯修例】港大對出薄扶林道有人發起清路障 防暴警察兩度到場引起橋上黑衣人不滿(有片)