【理大衝突】江永祥稱示威者冀獲營救「太天真」　「走得一時唔走得一世」

警方連日包圍理工大學，部分被困人士突破昨日重圍成功離開。警察公共關係科高級警司江永祥今日在記者會上強調，「走得一時，唔走得一世」，逃走的罪犯終有一日會被捕。

有示威者昨日從行人天橋游繩而下，隨即坐上前來營救的電單車離開。江永祥表示，所謂到理大營救示威者的「接仔車」「校巴」，全部都是協助罪犯，「邊個向我哋使用暴力嘅話，我哋必然會用適當嘅方法，將佢哋制服同埋拘捕，情況就係咁簡單」。

被問到有傳媒拍攝到警方拖行示威者，江永祥稱很多人不願起身行走，所以警方才要拖行，「其實佢有雙腳，佢係可以行嘅」。警方亦不排除有人是想故意不合作，希望拖延時間，讓所謂「兄弟姊妹」可以救他，「但呢啲全部都太天真，我話畀你聽，走得一時，唔走得一世」，前日被人營救的示威者最終都被警方拘捕。

江永祥強調，「犯法嘅人逃走終有一日會畀人拘捕」，有傳媒形容示威者在理大「絕處逃生」，其實只是縱容與包庇罪犯。

（圖片來源：蘋果日報）