市民黃大仙廣場集會 慶祝非建制派全取區議會25個議席

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

奇美博物館|生活旅客博客

2019-11-30 21:00
字體: A A A

1124區選塵埃落定,創造咗好多個第一。原來年年考第一嘅特首忍辱負重,經過5個幾月鋪排,就係為咗創造歷史,更幾乎將保皇黨嘅地區勢力連根拔起。有熱心網民覺醒咗,封咗佢做民主鬥士,令好多人恍然大悟。諗返轉頭,2017年特首選舉如果由另外兩位候選人選出,相信一定都做唔到這位年年考第一嘅人間極品今日做到嘅嘢。再次證明一錘定音嗰位定於一尊嘅強力欽點係正確,絕對冇揀錯人。

除此之外,各方亦就選後香港嘅未來形勢作出各種分析,就不再贅述。反而陶傑喺光明頂節目中提及,年輕政治素人做區議會,可以用更加文青式嘅手法改善選區嘅文藝同精神面貌,以地方休閒式cafe代替蛇齋餅糉,街頭 R and B 或 Jazz 音樂等演奏取締大媽舞,的確係非常有創意同建設性嘅主意,唔怪之得被稱為才子,連被網民尊為「曱甴王」嘅李生都曾經推薦大家多聽佢嘅節目。

陶傑嘅文藝提議,亦觸發我今期想介紹個充滿文藝氣息嘅景點畀讀者,就係臺南嘅奇美博物館。

奇美博物館係一間私人博物館,由臺灣富商許文龍創建。由於我唔係文藝人,好難用筆墨形容博物館嘅靚同宏偉。不過有樣嘢一定值得一提,入博物館大堂係免費,只係如果要參觀入面嘅各個展館至需要收錢。但其實就算齋入博物館大龐,同欣賞博物館外大水池、大草地,同希臘神話中諸神雕像、博物館大堂內琳琅滿目嘅精品店,喺富歐陸風情嘅cafe飲吓嘢,都已經可以消磨大半日,唔係一定要入啲展館㗎。

上次帶加拿大朋友去,都係咁,好抵玩。所以朋友都已經將這處列為再遊之地。

希望區選後各區都真有更多新風貌吧。如陶傑所講,少啲老土紅橙黃旗,多返啲歐陸風貌,可以重塑香港作為國際都會嘅形象,將實在係件美事。

願我城回歸平靜祥和,重新啟航。

 

奇美博物館外氣勢磅礡嘅噴水池。

充滿歐陸風格嘅建築。

博物館內與外。

希臘神話雕像 ~ 智慧之神雅典娜。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年11月30日 下午9:00

發表評論

讀取中…
【2019區選】曾鈺成痛心有人為民建聯失去議席歡呼 不應忽視4成支持建制派的選民