習總拍板認定,香港係中共嘅致命要害!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

吳哥窟|生活旅客博客

2019-12-7 21:00
字體: A A A

到柬埔寨旅行,睇吳哥窟,完全係計劃之外。

入吳哥窟嘅門票,分1日、3日同7日。遊客要喺售票處影相印落張飛度。

老實講,以自由行嚟講,買3日門票已經好夠皮。幾間主要大廟同景點,包括吳哥窟廟(Angkor Wat Temple)、塔普倫寺(Ta Prohm)、Bayon(巴戎寺)、 女皇宮(Banteay Srei)同勝利門(Victoria Gate)睇勻,其實已差唔多。雖然每間廟都各有特別之處,但對於唔係要特別研究考古嘅遊客嚟講,睇晒以上景點,就夠晒有突了。

遊覽以上地方可以包車,汽車或嘟嘟都可以。自己比較鍾意坐嘟嘟,感覺更特別,重冇咁熱。

整個暹粒,酒店好多,除咗市中心幾間應該較好生意,其餘酒店真唔知點維皮。去機場途中,就見到有成間荒廢酒店連地皮出售嘅大招牌。

睇咗吳哥窟,自然會上網睇吓柬埔寨嘅歷史。吳哥窟建築於高棉王朝嘅鼎盛時代,令人嘆為觀止。但其後王朝沒落,柬埔寨就一直喺一個飽經戰禍嘅民族,其中尤以上世紀70年代赤柬嘅恐怖統治,令人震慓,真係好滄桑。

今日嘅柬埔寨人,唔知對這些自己國家嘅歷史重有幾多感慨?暹粒所見,大家都忙於做遊客生意。始終,生活仍然要繼續的。

但願這個民族可以休養生息吧。

2019. 12. 6

吳哥窟廟Angkor Wat Temple的日與黃昏。

巴戎寺Bayon Temple。

女皇宮Banteay Srei,係保存得最為完好嘅一間廟。

塔普倫寺Ta Prohm嘅特色,係千年老樹同廟生埋一齊,難分難解。

勝利門Victoria Gate同兩旁湖邊嘅景色好優美。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年12月7日 下午9:00

發表評論

讀取中…
【移交逃犯修例】印傭自發報道反送中被遣返 聲援集會上批當局派男醫生檢查身體(有片)