【和你Christmas shop】防暴闖海港城 助理指揮官稱拘一人襲警(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

留港消費|生活旅客博客

2019-12-21 21:00
字體: A A A

去完柬埔寨,返香港短暫逗留,卻遇上屋苑同一日停鹹淡水,停電。始終一個已15年嘅屋苑,各種維修在所難免。因為冇咩地方去,就決定同屋企人喺維修當日入住附近一間5星級酒店,有地方落吓腳同攤抖吓。

間酒店好新,近兩年至開業,國際連鎖集團經營。好景時一間標準房都要過千蚊一晚,豪華房更要過兩千。由於近幾個月嘅情況,酒店生意大受影響,標準房連稅都只係608。因為係會員,重被升級到豪華房,送welcome drinks同房間內迷你吧第一round全部飲品,可謂抵到核爆。酒店又送餐飲outlets嘅8折劵同消費優惠,兩人食semi buffet都只係 400蚊,平均 200蚊一位,真係非常超值。

當然,咁樣嘅優惠背後,就係明顯嘅經濟下滑,有啲似當年沙士時「賤物鬥窮人」嘅慘烈情況。而真正嘅影響,喺農曆年後可能更多浮面,令人擔憂。其中一位從事酒店多年嘅高層朋友,幾乎以酒店為家,最近都「被榮休」。亦有好多其他喺酒店做嘅朋友,亦陸續「被休假」,業界一遍沉寂。

所幸區選後市面已稍為平靜。星期日到觀塘apm一轉,已差唔多回復往日人潮洶湧嘅情況,仿如乜嘢都冇發生過……

當然,政府班尸位素餐依然故我,所以平靜背後嘅暗湧仍難預料。只希望香港人保守初心,喺持續表達訴求同爭取公義時亦堅持和平、理性同非暴力,守法自律,使社會可以正常運作並前進,至有機會渡過難關。

19將盡,願2020年香港能揮去塵埃,可以重新起步吧。

2019. 12. 16

酒店房間外望

酒店嘅豪華房相當闊落,好景時要超過2000蚊一晚,而家嘅時勢只跌到608蚊。

酒店頂樓嘅餐廳,環境舒適。

酒店嘅午餐半自助餐,選擇豐富,連優惠只係200蚊一位。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年12月21日 下午9:00

發表評論

讀取中…
【2019區選】林鄭晤建制派落選區議員 未承諾委派公職