【武漢肺炎】衛健委公布首宗死亡案例 死者生前常至華南海鮮市場

有危就有機|銘爺|的士佬隨筆

2020-1-11 10:00
字體: A A A

只要大家齊心,肯企出嚟就得,其他嘢就交畀我!
總之,唔搏就一定輸!
其他嘢就交畀我???
講就講得輕鬆!
其實最令我擔心嘅,
唔係栢舍仔齊唔齊心,
而係有冇機會贏?
又或者好彩畀我贏咗,
而楓舍仔反口唔認數,
咁又點算好?
講真!一條十六歲嘅𡃁仔,
仲要奀挑鬼命,見過幾多世面吖,唔驚就假嘅!
但係有危就有機,
楓舍仔有乜嘢驚呢???
有!杜主任!!!
借啲意,搞大件事,要全院都知道呢件事,咁就可以借力打力,就算去到尾輸咗,
楓舍仔以後都唔敢咁放肆!
好!一於咁做!
今日正值星期六,
唔使上堂及工藝班,
食早餐時,我同徐仔講,
如果一陣真係隻揪,你哋唔好幫拖,但係打打吓佢哋有人幫拖嘅話,你就走去同杜主任講,之後我會同杜主任交代!
接近中午,sado同我講佢哋上緊嚟,
徐仔你去叫晒啲仔出大廳!
而我就除晒啲衫褲,
淨係著條阿公底褲,
白色孖煙通,先至出大廳!
當佢哋行入嚟果陣,
我逐個打量,心入面已經揀定人選,揀個最弱嘅,但係都高過小弟最少一個頭!
楓舍仔八至十個人,加上栢舍仔,大大話話整個大廳企滿二、三十人!
點L樣呀,你好L型吖嗎,自己揀一個吖!
(佢哋口中大佬強)
係咪贏L咗,全個栢舍都唔收先???
大佬強,望住我,
再望一望側邊嘅大仔,再同我講,係!
我唔出聲,而係直接指住吹水城!
揀你喎,吹水城,出去吖!
吹水城行去大廳中間,
而我都向前行去大廳!
兩邊大,細仔亦紛紛讓開!
去到呢個環境,
冇得再淆底,頂硬上!
喂喂喂!
阿銘爺!
如你未能制止不公,
亦要播其惡行於眾!
執生呀!
開工啦!
下一站:太古坊

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年1月11日 上午10:00

發表評論

讀取中…
令人看不下去的政府宣傳片!!!|王陸|關公拆局