【台灣大選】蔡英文得逾777萬票 成功連任

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

臺灣總統大選|生活旅客博客

2020-1-11 21:00
字體: A A A

臺灣網上流傳一張P圖 ~ 蔣介石滿面怒容咁講咗句粗口,然後話:「估唔到我帶嚟嘅徒子徒孫都投晒共,而家反而剩番民進黨抗共。」

的而且確,近年國民黨各種公然媚共嘅行為,已達令人瞠目結舌程度。而慣用製造族群對立、煽動仇恨、出爾反爾、做咗高雄市長唔夠一年(重成日請假)就「落跑」去謀住總統大位、到香港第一時間先拜會中聯辦嘅國民黨總統候選人韓國瑜,更居然利用1月2號臺灣國防部黑鷹直升機意外,導致臺灣參謀總長沈一鳴將軍及7位同袍犧牲嘅意外,口出惡言消費逝者,都不禁令任何稍有道德底線之仕齒冷。

令人奇怪嘅係,即使係咁,臺灣卻居然重有一班所謂嘅「鐵桿韓粉」瘋狂追捧一件類似直銷大師,或者係好似件混世神棍咁嘅貨色。關於當中種種原因,坊間已經有好多分析,所以這處就唔再贅述啦。

我想講嘅係自己嘅些小觀察同感想。

2018年,喺臺灣都好少睇到掛青天白日旗。即使當年嘅雙十節,我由高雄一路去到臺中,都冇乜見到有掛旗。

到2019年,因為國民黨喺9合1選舉大勝,即使綠營嘅高雄都選出空降嘅國民黨代表韓國瑜做市長,街上就「忽然」多咗好多好多好多青天白日旗。除咗政府部門同一啲公共建築物,我甚至見過喺一笪笪嘅荒地、爛地、天橋底、以至垃圾站外都被圍住插滿旗,實在令人忍唔住笑。覺得枝旗變得好cheap。但無奈有好多頭腦發熱嘅韓粉,就將之視為「重振國威」嘅象徵,的確匪夷所思。

本文見報之時,總統大選應該已有結果。兩日前偶然喺街上見到被插喺路中間分隔槽上嘅成排青天白日旗,唔駛講又係騎劫國旗,掛羊頭賣狗肉嘅國民黨市長所為。

諷刺嘅係,旗幟後面路邊嘅巨型總統競選宣傳版,卻係蔡英文、賴清德同一眾民進黨員手握拳頭作捍衛臺灣姿勢嘅照片。

似乎冥冥之中真會註定,最後能成就蔣介石抗共嘅反而係佢當日戮力打壓嘅反對黨。

歷史,往往充滿吊詭嘅轉折。

無論如何,但願111臺灣人民可以作出明智嘅選擇,唔好墮入萬劫不復嘅漩渦。能夠守護臺灣嘅民主同自由,繼續向世界展示出華人亦可以擺脫奴隸基因,擁抱普世價值同堅持為悍衛民主自由而努力不懈。

願天佑臺灣。

2020. 1. 9

 

自從國民黨喺9合1選舉大勝,街上各處都「忽然」插咗好多青天白日旗。

街邊插住嘅青天白日旗後,係一眾民進黨人嘅總統競選大幅宣傳版,作捍衛臺灣嘅手勢。好諷刺。

2020111臺灣總統大選嘅投票通知書。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年1月11日 下午9:00

發表評論

讀取中…
【游清源短打】羅致光批評泛民議員阻產假修例似堵路放火・袁國勇同內地專家對武漢肺炎睇法有異・發展局局長去星洲取經失禮死港人・蔡英文真係有機會攞到777萬票・中紀委台灣大選前夕郁國台辦