報稱警署被輪姦少女發聲明斥鄧炳強抹黑 指警拒提供調查進展

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

臺灣總統大選後序|生活旅客博客

2020-1-18 21:00
字體: A A A

上星期六夜晚9點篇blog見報之時,臺灣總統大選勝負已分。但執筆之時卻係尚未知道結果。諗番上星期六之前嗰幾日,心情其實真係好忐忑。

投票前一晚,居然不受控制咁失眠差唔多成晚。投票日朝早8點未夠,已經到樓下票站排隊。當時前面已經有30幾人排緊,而後面排隊嘅人亦陸續有嚟。

能夠親手投票選出一個國家嘅總統,感覺原來真係好緊張。雖然喺香港都已經有好多投票經驗,但當投下總統選票嘅嗰刻,仍然非常小心翼翼,好驚有任何差池令自己張票變成廢票。

8點25分投完票,離開票站,就安心同香港嚟嘅朋友去玩。

到晏晝又返到票站附近,已經冇咩人排隊。因為票站好多,比如我嗰個屋苑,前後就有兩個票站。即係幾乎落樓就已經可以投到票。另外,臺灣係唔使自己登記做選民。有身份證,喺現登記嘅戶籍地址住滿6個月,投票日前一星期就會自動收到投票通知。至於履唔履行公民責任同權利,就係個人選擇啦。

投票喺下晝4點結束,到夜晚7點過後,大局已基本抵定。我住嗰度就不時傳嚟燒炮仗聲,甚至有人放煙花。

因為之前一晚瞓得唔好,喺勝負已分後,我都立即彈上床大被冚過頭。一覺瞓到天光,翌日精神爽利,感覺真係好正。

大選雖然結束,高雄人卻未能鬆懈,已經磨掌擦掌準備第二階段罷免市長行動。對高雄人嚟講,罷免公職人員投票比投票選出總統更加百年一遇,所以大家都「熱切期待」。關於這個話題,下次再同大家傾吧。

總之,感謝上天護佑臺灣,一塊真正可以彰顯華人都值得、亦能夠擁抱有民主同高質素公民價值嘅樂土。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年1月18日 下午9:00

發表評論

讀取中…
「山城年宵」攤主對政府拒批牌照感憤怒 堅持產品非中國製