【武漢肺炎】醫護罷工議案獲大比數通過 工會要求林鄭須出席明與醫管局談判(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

半島酒店。防疫。口罩|生活旅客博客

2020-2-1 21:00
字體: A A A

將半島酒店、防疫同口罩放喺一齊做標題,有啲九唔搭八。

年初一同二,為咗支持酒店界嘅「黃店」,妹妹豪請屋企人住兩晚半島。

初二朝早,因為睇唔到餐廳門口有消毒洗手液,就畀咗個message提出建議。酒店居然兩小時內回應,全線裝晒消毒洗手液,亦封咗泳池,更贈送咗一枝非常「矜貴」嘅消毒手液畀我哋。

商業機構要做生意,對客戶要求反應快速。比起全廢嘅港共政府,唔使向人民負責,喺防疫大前提下死剩廢人廢語,實在不可以相提並論。

至於口罩,由澳門同臺灣嚟嘅朋友都話兩邊供應充足正常,政府行政措施得宜。有邊個會估到,一個號稱國際大都會嘅香港,畀林奠毒婦搞到連口罩都成荒,大批市民要排通宵隊為買口罩?

香港今日面對嘅唔係天災,而係人禍。

新年伊始,本來應該講啲開心嘢。但一提起件三柒婆娘,好難唔㷫。所以姑且擱筆,否則恐怕會滿紙粗口。下週再續吧。

2020. 1. 31

 

喺半島酒店頂樓Felix外望嘅維景夜色依然動人,可惜璀燦背後已被無能無恥政府搞到千瘡百孔。

半島房間內設施好現代化。

酒店對防疫建議行動迅速,更贈送客人「矜貴」嘅消毒手液。

無能又無恥嘅政府,令堂堂國際大都會嘅香港,出現通宵排隊買口罩嘅可悲奇景。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年2月1日 下午9:00

發表評論

讀取中…
【武漢肺炎】第12宗確診個案病源未明 張竹君稱不能排除本地感染