習近平和他的政府應向全世界道歉|梁慕嫻網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

疫境|生活旅客博客

2020-2-15 21:00
字體: A A A

上星期係疫境中甚為倉皇嘅一星期。一星期內,臺灣多次收緊入境限制,航空公司合併或取消航班等等。幾經轉折,終於順利帶咗媽媽返臺灣避疫。但由到埗第二日開始,就要居家檢疫14日。

唔經唔覺,居家檢疫已進入第5日。喺5日中,多得資訊發達,即使足不出戶仍然可以做到好多嘢:上網嗌外賣、家樂福買嘢等都係送到門口。加上有里長嘅「照顧」,日子並冇想像中過得咁艱難。

里長類似香港嘅區議員,選出嚟,收政府人工。里長幹事就大約相等於區議員助理。居家檢疫第3日,相信喺機場填寫嘅資料送到里長度,里長幹事就打電話畀我,問我有咩要幫手。我話佢知倒垃圾係大問題,因為係完全禁止外出。點知佢第二日就打番畀我,話會親自上嚟幫我倒垃圾。我重托佢順便喺超市幫手買啲麵包、雞蛋同廁紙,都一一辦到。里長更送咗幾個珍貴嘅口罩同一大枝家居消毒液畀我哋,實在喜出望外。忽然感覺到身為公民嘅優越感,亦好感恩。

反觀香港,成個廢柴垃圾政府冇做過任何一樣嘢幫過香港人,反而處處與民為敵。今時今日,朋友不論藍黃,都有咗共同點,就係非常憎恨林鄭件柒婆。喺疫境中,之前因為顏色唔同而有爭拗嘅朋友,有啲都已經會不計前嫌分享資訊同資源,總算係做到 we connect 咗。

都講逆境自強。今次香港人更加做到疫境自強。成個廢柴垃圾政府,冇咗唔會有問題,只會令香港人更加少啲麻煩同不安。喺這個層面上,香港人應該覺得自豪吧。

下期再續談疫境所見所思。

2020. 2. 14

 

里長幹事除咗上門幫手倒垃圾,重幫手買咗麵包、雞蛋同廁紙。真係好多謝佢。

家樂福送貨上門。買咗兩包喺香港要排隊都搶購唔到嘅米,令居家檢疫中嘅媽媽心花怒放。每日都睇吓這兩包米,就好開心。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年2月15日 下午9:00

發表評論

讀取中…
【武漢肺炎】傍晚天水圍再有人堵路 警方到場清理並戒備(有片)