【武漢肺炎】當局據報第8日起無再聯絡強制檢疫者 張竹君未回應

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

疫境2.0|生活旅客博客

2020-2-22 21:00
字體: A A A

今次嘅武漢肺炎,係好多人經歷嘅「疫境2.0」。上一次,係03年嘅沙士。

諗番當年嘅情況,真有種「彷如隔世」嘅心情。

當時年輕,又要成日travel,自己住,所以成個沙士期間居然都冇載口罩。一嚟覺得自己夠健康,又唔驚因為同屋企人住會影響佢哋,外出時見好多人都載,反而覺得更冇危險,冇需要載。曾經試過嗰陣坐飛機,成架機得我同另外一兩位乘客,大家都坐到冇雷公咁遠,肯定多過6個階磚位,所以又唔覺得要載口罩。

當然更加主要原因,係當年嘅政府雖然開始時反應遲鈍,引發社區感染爆發,但總體嚟講都冇而家咁廢兼倒行逆施。記得當時口罩都曾經炒到好貴,但都只維持咗個零星期就回復正常。有啲囤積咗好多口罩同消毒用品嘅藥房其後重要減價促銷,唔似今次連米同廁紙都搶購,以至打劫廁紙咁荒謬絕倫嘅事都會發生。市民嘅盲目性恐慌心理,與其話係恐懼疫症,不如話係對完全冇任何作為嘅廢柴政府嘅完全唔信任更為準確。

今次就乖咗。疫情一開始就載口罩。老實講,除咗因為人口密度大咗,周圍如果有人咳會好擔心,更加因為唔載口罩會被視為缺乏公德(即使你自問好健康),會受到周圍人士奇異又歧視嘅目光。

勢估唔到17年後,香港同世界各地要再經歷「疫境2.0」。由於世界各地嘅聯系比17年前更緊密,今次疫情嘅輸出率亦比當年沙士更嚴重,對經濟嘅打擊更大。唔同嘅係,當年大家對疫情過後可以重建經濟嘅信心係大過而家,主要又係因為個政府冇咁廢夾垃圾。反觀今時今日,令好多人感覺絕望嘅並唔係疫情,而係視民意為無物,涼薄而無恥嘅柒首同佢班尸位素餐嘅廢柴班子。好多人而家係無可奈何,但相信疫境過後,有能力嘅人會加速移民步伐。即使政府又再以什麼自由痕之類嘅背靠大陸技倆催谷經濟,都唔會點靈驗了。

無論如何,生活都總要繼續。只希望疫情快啲過去。記得當年沙士時同屋企人喺西貢食晚飯,大約係4月,咁啱飯後西貢墟有場舞火龍驅瘟疫嘅節目。唔知係咪事有湊巧,舞完火龍後香港連續兩星期冇新增病例,解除咗疫埠警報,之後就慢慢回復正常。

今時今日,期盼會有驅除瘟疫嘅火龍從天而降,驅走瘟疫,更驅走禍港殃民嘅一堆人形垃圾,斬妖除魔。

2020. 2. 19

 

香港一罩難求。有次居然排到籌,喺銅鑼灣卓悅用55蚊良心價買到一盒30個嘅口罩,又係一件好值得感恩嘅事。

離開香港前重有幸食到星級廚神嘅精彩美食,真係好感恩。希望疫情快過去,一切重回正常吧。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年2月22日 下午9:00

發表評論

讀取中…
來吧!跳一支金城舞|陳頌紅網誌