【武漢肺炎】蔡耀昌辭任民主黨全部職務 胡志偉稱避免再出現矛盾

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

疫境自強|生活旅客博客

2020-3-14 21:00
字體: A A A

停稿兩星期,實在因為太「忙」。

好唔容易捱過居家檢疫兩星期,一出關,就周圍行吓,飲飲食食。

老實講,這個月以嚟不斷聽到武漢肺炎全球擴散。繼香港之後,即使歐美澳洲等地都出現搶購口罩、廁紙以至米嘅消息,已經聽到好厭。亦感覺人性其實各處都係一樣,所以大家真係唔駛五十步笑百步。

由於每日新聞都係講疫情,對咩新增確診等報導已感麻木。反而噚日睇到港大微生物學教授袁國勇談及當全球七成人開始有免疫功能,疫情就可以緩解嘅報導,卻有所領悟。

袁教授所講嘅 「免疫力」的確好重要。回到最基本,人類永遠要「適者生存」。免疫力係人類嘅生存本能中最重要嘅一項,否則這個世界咁多菌,冇武肺都好易染其他病。

但免疫力應該唔止生理上,心理上嘅免疫力都至關重要。這段日子聽好多朋友話已經開始悶到憂鬱,唔難理解。所以要學習保持積極樂觀同平和嘅心態,至可以渡過順境、逆境,以至疫境。

除此以外,個人覺得人類真係必須順應同愛護自然,珍惜地球資源更加係益發重要。今日另一篇報導講到現代人少運動,多吹冷氣,令自身調節機能變遲鈍,亦係令自身免疫力下降嘅另一個主要原因。事實上我好怕吹冷氣,除咗吹完會好多「後遺症」,冷氣係令地球加速暖化嘅主要環保問題之一,越多人用冷氣,氣溫就越高,惡性循環,沒完沒了。

人類即使可以保持自己幾健康,到地球自然界要向人類清算時,一樣會被攬炒,此即為「共業」。所以我哋千祈唔好以為可以獨善其身。日常生活,儘量為環保「慳啲使」亦非常重要。

當一個全球疫症畀我哋睇到人類嘅陰暗面同時,是否可以都令我哋對人類同大自然如何和諧共存嘅課題有所反思?

2020. 3. 10

 

居家檢疫14日後出關嘅第一餐,梗係飲茶啦。

人類真係應該學會同大自然和諧共處,少肉多菜。其實蔬食都可以好好味。色香俱備。

講到素食,佛光山嘅漢來係必選。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年3月14日 下午9:00

發表評論

讀取中…
【武漢肺炎】鑽石公主號康復乘客測試再呈陽性 張竹君料測出病毒「屍體」