【元朗襲擊】7.21事件8個月有人堵路 防暴警多次驅散施放胡椒噴霧催淚彈(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

臺灣防疫|生活旅客博客

2020-3-21 21:00
字體: A A A

由中国武漢輸出嘅新冠肺炎病毒席捲全球。非洲、中東、亞歐美澳,以至北極圈嘅格陵蘭皆無一倖免。

強国熊人超額完成人類命運共同體嘅大国夢,認真巴閉。

至於香港人,又一次走喺潮流前端,搶口罩、搶廁紙、搶米、搶日用品。雖然一開始為世人訕笑,但原來人性到處都係一樣,到自己面對相同嘅疫境時,都步香港後塵,將超市貨架一掃空。

同港中接觸頻繁嘅臺灣,情況卻出乎意料地相對平靜。

先講搶廁紙。2月9號到臺灣,的士司機話超市已冇廁紙賣。返嚟之後因為要居家檢疫,只能以網購必需品。當時米同其他食品供應都冇問題,只係廁紙缺貨,但情況只維持唔夠一星期已恢復正常。上星期超市更以特價促銷廁紙,買6抽直接減價100新臺幣,相當於買5送1。當全球開始新一輪搶廁紙潮時,好有平衡時空嘅匪夷所思之感。

至於口罩,2月已採取實名制,每人每星期憑健保卡買兩個,到3月中,已加到可以買3個。更加可以用健保處apps網上預購,超商取貨。事實上出關後一直都冇刻意去買口罩,因為網上已訂購到好多布口罩,宅配送貨。由於這邊人口密度唔高,出入又自己揸車,所以出關後都係用網購嘅布口罩。到星期一至首次到藥局買配給嘅醫療口罩,人唔多,只排咗幾個就買到了。

其他食肆等嘅營業亦相對正常,只係以往靠做遊客,尤其陸客生意嘅舖頭就的確執咗唔小。

講到封關,臺灣政府好早已經對香港澳門封關。但當疫情喺韓日同歐美澳大流行時卻冇做得咁快咁狠。至今個星期輸入個案(多數係外遊返臺)增加,民間要求對全球封關聲音加大,政府於18號宣佈限制出境措施,並對全球入境嘅所有人士(包括公民同非公民)採取14日居家檢疫。臺灣係弱國外交,對世界封關有所顧忌可以理解。但當輸入個案上升,歐美澳各國亦各自做咗自己嘅出入境限制措施,令出遊國民根本唔多嘅情況下適時宣佈上述對世界各地檢疫嘅措施,既回應民意,又唔會得罪外交,可謂相當聰明。

難怪臺灣抗疫模式備受國際認同讚許。美國同歐盟更陸續宣佈與臺灣建立抗疫聯盟,互相補充不足。

經此一疫,臺灣再入唔入被赤化嘅WHO已經唔再重要。重要嘅係證明咗任何國家同人,都唔應該以為只靠某單一來源就可以永續生存。

回歸本位,就係必需要做到莊敬自強,處變不驚,至係真正可以戰勝逆境,由疫轉勝嘅關鍵。

2020. 3. 20

後記:收筆之時,臺灣一日內多咗20幾宗新增確診。同香港同日新增嘅48宗新增確診一樣,大部份係居留於歐美返屋企嘅本土公民,或佢哋接觸過嘅人。

而歐美就繼續大爆發。

這兩日,強国卻突然連續兩日零新確診,平衡時空得匪夷所思。

無論如何,抗疫尚未成功,世人仍需警惕。願香港臺灣可以堅守住。祝福。

 

返到臺灣成個幾月至第一次買醫療口罩。排隊嘅人唔多,只排咗10零個就買到。

喺臺灣可以輕鬆網購到質地好好嘅MIT(Made in Taiwan)布口罩,可以罩住醫療口罩或加塊內墊用,係好唔錯嘅口罩代替品。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年3月21日 下午9:00

發表評論

讀取中…
港府竟然咁樣回應兩大問題!