【武漢肺炎】確診女警8名密切接觸者5名病毒測試呈陰性 全部已入住檢疫中心

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

居家抗疫|生活旅客博客

2020-3-28 21:00
字體: A A A

人生係一場旅行,但你都唔會日日去旅行。

網上一張圖話,人生第一次你可以坐喺屋企拯救世界,點解唔做?

的確且確,今日世界好多地方封關封城,大家都要留喺屋企。香港雖然未封城,但作為負責任嘅公民,為己為人,儘量出少啲街、拒絕飯聚,都係自己可以為抗疫貢獻嘅些微力量,更可以減輕前線醫護人員嘅負擔,何樂而不為?

最起碼,今日香港人仍然可以選擇出唔出街,但如果大家都唔自律,到搞到有日要封城,就連這些少嘅選擇都唔會有啦。

由於人類活動減少,各地亦紛紛出現環境改善咗嘅報道,更有海豚喺威尼斯游泳嘅相片網上瘋傳。

凡事有失亦會有得,禍福相依。一場疫症,令我哋反思人類或者至係地球大自然環境嘅病毒,而疫症反而正是地球自救嘅免疫機制。

網上有地球closed嘅圖片,只反映人類嘅自大同無知。地球並冇closed,亦唔只屬於人類。

就算所有人類活動停止,甚至人類被滅絕,地球仍然運轉,其他生命仍然可以享受地球。地球可以冇人類,但人類唔可以冇地球。邊個靠邊個,人類真係應該醒吓。

臺灣亦冇封城,但都儘量少出街,其實主要因為懶。但懶惰地留喺屋企就可以幫助抗疫,都算係出乎意料嘅收獲啦。

2020. 3. 27

 

因為懶,所以即使臺灣冇封城亦好少出街。喺屋企外望都可以見到好靚嘅景觀。

屋企窗邊不時有小朋友探訪。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年3月28日 下午9:00

發表評論

讀取中…
【武漢肺炎】政府限群眾聚集 陳肇始交代措施執行細節(有片)