美企大舉撤出中國,最強訊息忽然曝光!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

簡單生活|生活旅客博客

2020-4-11 21:10
字體: A A A

一場疫症,令人類大部份活動停擺。居家減少外出成為日常。減少咗好多飯聚應酬,生活變得「稍為」簡單。

講「稍為」簡單, 係因為人類即使已減少大部份活動,因為抗疫同留喺屋企而引申出對環境帶嚟嘅副作用卻仍然存在 ~ 大量用過嘅口罩,叫外賣嘅塑膠、發泡膠餐盒同餐具等等嘅垃圾大量產生,對地球嚟講又係另一種長期嘅病患。

如果讀者可以,希望喺叫外賣時可以話畀餐廳知唔使附一次性嘅餐具,好似筷子、刀叉呀咁,總算對保護環境稍盡棉力吧。

此外,網絡虛擬世界令我哋雖然要留喺屋企,但仍然可以接觸到五花八門嘅資訊,令睇似簡單嘅生活,變得唔簡單。

當然,我哋亦可以選擇用這段時間睇多啲富有養份嘅資料,比如好多世界級嘅圖書館同博物館,以至著名樂團等都會開放免費網上瀏覽畀公眾。利用這些溝道吸收多啲高層次嘅知識,都可以係好唔錯嘅選擇。

另外朋友間利用通訊程式傳遞嘅訊息亦比以前多咗好多,形形色色。

最近收到個簡單嘅數學題,反而令我有所反思。

成年人往往會將簡單嘅問題複雜化,或者因為某啲無形嘅規範、自以為係啱嘅程序而將唔合理嘅事情合理化,更自製某啲規律去廷續一啲根本係錯嘅「常規」,而忘記某啲事係錯就係錯。錯嘅嘢並唔會因為程序或任何粉飾而變番啱。

事實上,當我哋檢視生活,的確又有好多這種積非成是嘅荒謬情況。

這條簡單嘅數學題,正正反映咗人類點將原本簡單嘅生活、是非黑白複雜化、甚至顛倒因果。今期擺出嚟同大家分享,亦可以作為喺居家生活中一種簡單嘅消遣吧。

2020. 4. 8

1條數學題。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年4月11日 下午9:10

發表評論

讀取中…
【游清源短打】陳帆竟然話巴士唔加價等如減價・政府神級釐定的士司機津貼・IQ爆棚局長話唔排除規限僱主申請薪金津貼