【內會風波】政府發稿澄清 中聯辦屬《基本法》第22條下機構之一

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

口罩戰|生活旅客博客

2020-4-18 21:30
字體: A A A

自疫情開始以嚟,口罩戰亦喺全球開展。

發展至今,身喺臺灣覺得好幸福。由3月開始,臺灣人已經可以憑健保卡網上購買口罩,連排隊時間都可以慳番。4月9號起更可以每兩星期買9隻口罩,每隻5蚊臺幣。網購只加7蚊行政費/運費,就可以喺指定超商取貨,方便快捷。這些安排,都係多得一位 IT奇材唐鳳嘅操作。

其實臺灣嘅整個資訊科技系統同網購模式真係好user-friendly,有效率又非常方便。

由官方資訊及與政府部門互動,申請公用作業到民間一般付費網購都便捷無比,高出香港好多。

相比之下,香港嗰件自以見過Steve Jobs為成就嘅局長,完全係件尸位素餐、浪費納稅人金錢和人類資源嘅垃圾。

講番唐鳳,臺灣嘅IT部長,的確係天材。當然,背景如佢,要喺臺灣這種有包容同開放而民主嘅社會至有機會發圍。

一個優秀嘅社會制度,能夠畀任何人發展機會。除咗對個人而言係德政,更加係整體社會嘅福氣。

至於香港,雖然政府廢到無倫,但好多香港人發揮自救精神,更自設口罩廠生產Made in HK嘅口罩,希望都可以儘快舒緩到香港嘅口罩荒,起碼唔使再用藥房賣嘅天價或者劣質口罩吧。

其實香港真有好多人材,英治時代都可以發揮所長,成就好多傳奇故事。97後因為制度改變,劣幣驅逐良幣,變成李嘉誠所講嘅有能力嘅人唔願意做,冇能力嘅人爭住做。一語道破,實在令人唏噓。

2020. 4. 17

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年4月18日 下午9:30

發表評論

讀取中…
【民主派大抓捕】李卓人批警方先違憲剝奪港人權利 籲市民繼續上街抗爭(有片)