【武漢肺炎】加拿大稱購自中國口罩不合醫用標準 中方籲勿政治化解讀

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

宏南宿舍群|生活旅客博客

2020-4-25 21:00
字體: A A A

講咗咁多期關於武漢肺炎疫情中嘅點滴,老實講都已經講到悶。其實一直希望疫情儘快結束,就唔使再講。

雖然暫時疫情仍然好似未見盡頭,但人總唔可以成日活喺灰暗中。所以今期試吓抽離,講番吓喺人生旅途上嘅一啲美麗風景。

其實因為疫情關係,上網時間多咗。有次無意中睇到喺 FB 一個攝影群組中分享嘅幾幅日式建築群,好靚。再睇吓詳細介紹,原來就係喺居住嘅地方附近,揸車約半個鐘頭就去到,所以噚日終於決定去行吓。

臺灣因為防疫功夫做得好,日常生活得以維持正常運作,又冇封城,所以重可以周圍行吓。但其實由於疫情關係,一般都係到鄉郊或人少嘅地方,極少去人多嘅地點。

宏南宿舍群係臺灣中油嘅員工宿舍,位於高雄楠梓區。前一排中油已將大部份員工遷出,可能想收番塊地做其他用途,所以要參觀更要趁早。

車駛到入宿舍群,門口守衛室都已經冇要求登記。喺繁忙嘅楠梓區道路轉入宿舍群所處嘅宏毅一路,頓時有柳暗花明、豁然開朗嘅入咗桃園之感。區內嘅屋主要以日式建築為軸,每條巷兩旁種滿樹木,喺春天落下瓣瓣嫩芽,舖陳路上,加上有陣陣涼風吹送,同路邊芳草嘅清香,令人心曠神怡。

喺臺灣中油工作,可以住到咁靚嘅宿舍環境,大概係一份優差吧。

由於疫症影響,加上中東產油國同俄羅斯嘅油價戰,令油價歷史性暴跌。趁住油價低,多啲揸吓車遊覽吓唔同景點,都算苦中作樂。

而臺灣中油這片美麗嘅宿舍群,有機會都一定會再遊覽。今期亦分享些拙照,等大家都感受吓這種優美嘅環境。

2020. 04. 24

車輛由繁忙嘅楠梓道路轉入宿舍群所處嘅宏毅一路,頓有柳暗花明,豁然開朗之感。

宿舍群偌大而清幽嘅環境。

宿舍群以日式建築為主,典雅而美麗。

宿舍群內嘅巷道兩旁種滿樹木,落葉舖滿路面,景緻極美麗。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年4月25日 下午9:00

發表評論

讀取中…
【武漢肺炎】8人出院後「復陽」 張竹君引專家稱未必有傳染性