【游清源隨想(重溫版)】那些年,我們一起追的僭建!|游清源

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

海洋公園|生活旅客博客

2020-5-16 21:00
字體: A A A

海洋公園就嚟執笠,要向政府求救,度住54億吊鹽水,令人不勝唏噓。

印象中嘅海洋公園,係80年代父母帶我哋去嘅一個dream land。

嗰陣香港冇迪士尼,海洋公園橫空出世,比起細細個去嘅荔園更加有吸引力。嗰陣,入到海洋公園,覺得好大,要行好耐,行極都行唔完。

年紀漸長,入海洋公園嘅次數就越嚟越少。最有印象嘅有3次。

第一次係大約08年,當時返咗香港搵新嘅工作,由於有啲前途未卜嘅感覺,同屋企人入去海洋公園,都覺得心不在焉。記得當時搭公園入面上落山嘅長扶手電梯,都掛住聽電話,同agent傾搵工嘅嘢,實在大煞風景。

第二次係大約12、13年,同妹妹同佢同學入海洋公園玩Halloween。老實講我對這種節目係冇乜興趣。但其中一個瞓落棺材經歷「被火化」嘅遊戲,就令我有啲感觸。唔係因為驚,而係因為3個人先後瞓入棺材,我係最後一個,忽然感覺到嗰種「死剩種」嘅強烈嘅孤獨感。

第三次係19年農曆年。海洋公園隔離嘅萬豪酒店開幕,一家人入去住咗晚。其實嗰次並冇入到公園,只係經過門口,見到大批內地遊客堆滿門口嘅「盛況」,同喺酒店房內眺望到公園部份景致而已。

當然,除咗這3次,重有其他零星嘅記憶,比如睇熊貓。但好似每次再去,感覺海洋公園都越變越細,同童年記憶中嘅好似係兩個唔同嘅地方。可能因為自己大隻咗,或者因為人越嚟越多,空間感變細咗啦。

無論如何,海洋公園由盛而衰,唔係只因為劉鳴煒所講嘅咩內地遊客因為社會運動減少嚟香港,或疫症影響嘅原因。

當年盛智文接手海洋公園,搞Halloween等等都令海洋公園業績屢創新高。奈何689居然倒行逆施,以劣幣驅逐良幣,結果令公園業績拾級而下。社會運動同疫症只係催化劑,令公園更快面對執笠嘅現實而已。

而劉生喺電台節目中談及向政府申請54億嘅 「應急錢」,亦冇辦法提出有咩後著令吊命嘅公園可以起死回生,似乎只係吊命,聽咗都令人搖頭歎息。而公園內各種動物嘅命運,更令人擔憂。

海洋公園,恐怕都會同香港一樣,喺劣質管理下步向衰敗命運。當年嘅輝煌,亦只能夠喺回憶中尋覓啦。

2020. 05. 14

(圖片來源:香港海洋公園 Ocean Park Hong Kong YouTube影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年5月16日 下午9:00

發表評論

讀取中…
【游清源短打】中共土共連環炮轟考評局・德國加入美國聯署行動 撐台灣「入世」・侵侵用太空軍對付中共