港版國安法去年10月初定,今年4月拍板!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

從111到520|生活旅客博客

2020-5-23 21:00
字體: A A A

2020年1月11日,臺灣人民以一人一票嘅民主方式投票,選出中華民國第15任正副總統。

2020年5月20日,連任嘅蔡英文同接任陳建仁嘅賴清德,宣誓成為中華民國第15任正副總統。

由111到520,短短4個幾月,世界因為武漢肺炎疫症大爆發,變得好唔同。而中華民國臺灣,亦由好多人認為「受惠」於香港嘅反送中運動得以延續拒共嘅民進黨執政,成為憑藉自身對防控疫情嘅超前部署同雷厲風行嘅防疫措施而受疫情影響最少嘅國家之一,引起世界各國嘅矚目同艷羨,備受稱道。

4個月,可以發生好多事。而蔡英文喺就職演辭中就提及臺灣近70年嘅歷史 ~ 曾經備受侵略吞併嘅壓力,經歷獨裁統治嘅幽谷,以至孤身走過被世界孤立嘅曠野。種種艱辛,聽喺熟悉臺灣歷史嘅人耳中,好難唔令人動容。

至於備受各方矚目嘅兩岸關係議題,蔡總統談及嘅篇幅反而好短 ~就係要平等同民主對話,唔接受一國兩制。要遵從維持現狀,守護和平嘅原則。言簡意賅。

但相信即使單就這簡單嘅幾句說話,已經足夠令到牆国玻璃心強烈爆破,可以留名睇佢哋又惡言謾罵同發花癲了。

相比之下,蔡總統只先放下這幾句說話,已經擺出一幅之後啋佢都戇嘅姿態,都好高招。

成篇就職演辭,卻用咗好大篇幅描劃臺灣未來嘅發展藍圖,由國防、外交、政制改革、經濟產業、科技發展以至民生、環保等都全面涵蓋。

蔡英文亦特別強調未來嘅日子仍然充滿挑戰同困難,國人要團結努力,共同打造美好家園。

值得一提嘅係今年嘅總統就職典禮儀式因為疫情而全部從簡。但按慣例同正常禮貌,都有邀請国民黨主席、馬英九同落選嘅韓国瑜出席。點知班蛋散全部唔去。唔知係唔敢去定冇面去。但其實佢哋去唔去亦根本係 Who cares?

只係国民黨這種小家同低裝做法,只會加速自己被邊緣化,淪喪為永遠嘅少數反對黨。

有人擔心再發展落去,臺灣會變成民進黨一黨獨大,就未必係臺灣之福。果真如是,都係拜国民黨所賜。就正如 689 被大多數人公認為港獨之父,而堅持將底褲戴上塊臉度嘅三柒阿婆就能夠得到臺獨之母嘅稱號咁。

歷史,有時真係會好吊詭,是非中皆有利弊,利弊中亦有是非,而唔係咩不能討論嘅絕對是非或絕對利弊。如果香港某啲為表忠而無事生非、小題大做、借題發揮嘅所謂教育界人士稍為有正常思維同邏輯,香港今年嘅 DSE 歷史科考生們就唔使被玩殘了。

講番現實,520之後另一個對臺灣人有特別意義嘅日子就係666。嗰日會係臺灣歷史上首次公民運用投票權罷免市長嘅投票日。只有高雄人可以參與,成為舉國矚目點。

結果未知,但韓国瑜雖然做唔到總統,卻喺選舉後半年內都持續成為眾人注目嘅焦點,又是否利多於弊呢……?

2020. 5. 20

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年5月23日 下午9:00

發表評論

讀取中…
近百人柴灣新翠和你唱 疑似便衣警被市民指罵(有片)