美國搞3大戰略,香港成「制中」重鎮!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

共業|生活旅客博客

2020-5-30 22:00
字體: A A A

佛教講 「萬般帶不走,惟有業隨身」。

這句說話唔係咁難明。但當睇到一啲人,明明冇做過咩錯事,卻遭遇到種種磨難,譬如唔識投胎嘅兒童,出生喺戰亂地方,明明乜都未做過,卻一出世就要受苦,就好唔明白點解。

按照某啲佛教徒所講,咁可能係因為這個人前世所做嘅業。 我算係一個比較現實嘅人,對於前世今生、天堂地獄這等純粹以信仰支持,但睇唔到亦證實唔到嘅講法都唔係咁可以被說服得到。亦因為咁,從來都唔會覺得自己係任何宗教嘅信徒。

後嚟無意間又睇到「共業」這個詞彙。按照佛教所講,共業會影響一個群體。群體中嘅每個人,即使唔係即極參與做咗某啲嘢,但身處群體之中,就難逃受到共業嘅影響。

當時仍然唔明白點解,覺得咁就唔係好公平。點解冇做咩嘅人都要受共業影響?可以逃離嗎?

這一年以嚟,香港發生嘅情況卻令我似乎比較明白咗咩叫共業。朋友中有藍有黃,有人鼓吹攬炒,有人堅持和理非,亦有人選擇用腳投票……

當大家都指稱香港搞到今日咁係對方嘅錯,其實都係營造緊共業。簡單啲講,就係一隻手掌拍唔嚮。即使用腳投票嘅人,其實都係共業中嘅一種元素。所謂「走得甩」係指個人嘅physical status,但每個香港人嘅流失,又會加速香港嘅改變。至於個人要離鄉別井,其實亦係受緊共業嘅果。

當然,返到宗教層面,點解會生而為香港人?又係唔係咩前世今生嘅因果,就又再輪迴到一個我無法確定嘅答案啦。

點解忽然會諗啲咁玄嘅嘢?大概係由於香港嘅局勢都變得越嚟越波譎雲詭,前途未卜吧。

2020. 5. 28

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年5月30日 下午10:00

發表評論

讀取中…
【港版國安法】陳茂波:獨立關稅區待遇與美國無關係 取消對港實際影響較小