陳太與林鄭的歷史評價|王陸|關公拆局

國安法過埋,係唔係又唔關你事呢?|銘爺|的士佬隨筆

2020-6-27 10:00
字體: A A A

犯左乜嘢法,佢話!
乜嘢人拉你,唔知?
喺邊度審判,唔知?
喺邊度服刑,唔知?
搵律師上訴,律師都拉埋!
家人上書中央,照拉,甚至受到長期監視及軟禁!
港人以往北望神州食花生,
就四個大字,關人隱事!
好囉!而家殺到埋身,
沒有人是孤島了!
我唔係想幸災樂禍,
只怪港人以往,抱住隔岸觀火心態,關我乜事呀,幾時先得殺到嚟,最緊要搵錢!
醒吓啦,九七前就話啫!
講真!
英國佬都唔係好人㗎啦,
但係可以將豆潤咁細嘅香港,打造成東方之珠!
吸引世界各地嘅生意佬,
都嚟搵著數!靠嘅係乜嘢?
生意佬信你乜嘢?
就係公平、公正、公開嘅法治!
咁嘅時間,咁嘅空間,
咁嘅政府,加上一班肯博、肯捱、肯做嘅香港人!
我咁講一句,呢個化學作用,絕無僅有!
其實而家大部分嘅中產,
都要多謝英國佬,
因為英國佬有足夠嘅空間,
畀香港人搵錢!
但時移世易,
今時唔同往日,
一個酸梅兩個核!
而家揸莊嗰個係共慘黨,
共慘黨嘅所作所為,
都唔使我多介紹!
而共慘黨就想盡辦法,
掏空政府庫房啲錢!
國安法過埋,
係唔係又唔關你事呢?
到時你嘅行蹤,
都比對面啊陳太、
隔離屋肥姨,
樓下大堂座頭食Q啊姐,
昅到你實一實,報告上級,
睇下關唔關你事!
喂喂喂!
啊銘爺!
返送中高喊撤回,
國安法鵪鶉代宰!
開工啦!
下一站:海怡半島

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年6月27日 上午10:00

發表評論

讀取中…
【港版國安法】蓬佩奧宣布將對破壞港高度自治中共官員實施簽證限制 家屬或包括在內