黃秋生:喺囉,點解唔拉X埋曾偉雄呢?佢頭一個落命令咗(阻)X住個地球前進。

十問個為什麼──黎敬瑋

2014-7-6 19:01
字體: A A A

民主黨以往給人的印象,都只有「老牌政黨」或「大佬文化」。不過,這個「溫和民主派」,近年卻出現了不少創意「乳鴿」,令該黨頓時年輕起來。有參與遊行的市民一定會發現,近一年來,民主黨在遊行中,必會出現一些令他們(特別是小朋友)精神為之一振、不能不拿的宣傳品。

由2013年七一大遊行的「呃人man」,到2014年元旦大遊行的「路姆西」、「六四」的「王維林」,再到今年七一大遊行的「CY龍門任你搬」,這都是出自民主黨「乳鴿」創意媒體部之作。

而改變民主黨,曾令該黨檢視網站點擊率勁升100倍(由數百點擊激增至數萬)的其中一位功臣,就是他們的創意媒體部部長黎敬瑋。這位部長只有25歲,黨齡3年,但已先後在區選及立法會選舉中做樁腳及中委會委員,上年更獲選為創意媒體部的部長。

今個星期,「十問個為什麼」,有民主黨中委、創意媒體部部長黎敬瑋。

十問個為什麼──黎敬瑋

黎敬瑋,民主黨中委、創意媒體部部長。執掌創意媒體部以來,與其他黨員發揮創意,成功令民主黨成功脫離只有「老牌政黨」的印象。

1為什麼要加入民主黨?
識得揀,一定揀民主黨!哈哈!
其實我2008年立法會選舉跟李永達實習,之後就無啦啦俾佢昆咗入黨喇。(好似係)
2為什麼你能獲選為黨內創意媒體部的部長?
其實我到而家都唔知,可能我夠膠,又或者因為得我舉手話想做啦。
3為什麼,每次遊行都會選擇以摺紙的形式製作文宣物品,而非其他形式?這是誰的idea?是否因為第一次的「呃人man」反應好,所以往後都繼續用這個形式?
我引述一號Designer既答案:「喺日本,有一個傳統藝術利用紙張,叫Origami摺紙;喺日本傳統魔法藝術中亦有一個項目,利用到紙張,以紅色及白色去代表男或者女,祝願幸福給我們全人類,因此,我哋將紅及白獻給大家。」

在我而言,Idea是大家的,整個創意媒體部一齊brainstorm,摺紙形式我諗唔係個個政黨都有技術做到諗到,但因為我地夠Pro,所以其實唔難,將來嘅嘢無人知,我都希望除咗摺紙之外有多啲突破嘅~ideas通常都係每個星期開會果陣亂咁拋,拋下拋下咁出嚟…… haha

4為什麼你覺得創意的文宣及搶佔輿論平台重要?
無平台就無SAY,而家咁多新媒體,質素又好參差,好多時會扭曲我哋原有意思,咁自己有平台,可以講番清楚自己立場,要抹黑我哋都無咁易丫嘛!
5有人形容你為人其實比較沉悶及正經,為什麼一個沉悶及正經的人可以想到、做到如此有創意的文宣?
搞錯,話我沉悶嗰個一定唔係我朋友,識我都知我係癲架喎,我女朋友都話我一啲都唔沉悶同正經。因為我講少陣嘢都會死,無聊時仲會扮比卡超嗌:「pika pika!」
6你年前接受訪問時曾表示,對於網上的言論,「黨高層採時間可證明一切嘅態度,罵不還口」,但就你的角度,時間只證明到「唔反擊,只會喺網絡平台上不斷發酵,謊言都會變事實」。現在你還是這樣覺得嗎?為什麼?
當然啦要繼續用不同平台反擊啦,例如以前成日有人鬧民主黨呀、佔中呀實縮沙啦!點知七一晚預演佔中留守,我哋就無淆底同d學生共同進退喇,平時好兇狠鬧我哋果啲人又去晒邊? :o)
7現在你還會花時間在討論區與網友筆戰嗎?為什麼?
其實經過呢幾年我已經係senior,我膠得嚟啲回覆都好俾心機,好少俾人投訴,而且同好多網友既關係都唔錯。但真係講你都唔信,琴晚我一直咁禁f5,禁呀禁係咁禁都唔出嘢。禁下禁下原來個keyboard壞左,搞到無keyboard打唔到字交唔到呢篇訪問俾你,I’m really sorry!
8一年多前,你曾指有很多朋友說你上錯船,叫你退黨。請問現在你有想過退黨嗎?為什麼?
Wow! Old news is so exciting! 唔會退啦,呢幾年佢哋一時又話叫我退黨,一時又話叫我留低,話民主黨好需要我,真係好難捉摸呀!
9你怎樣看現在的民主黨?為什麼?
而家民主黨幾好丫!我成日提醒自己,不要問民主黨能為你做甚麼,應要問你能為民主黨做甚麼。
10你在民主黨內算是第二梯隊,外界一直說民主黨的「大佬文化」令第二梯隊難以上位,你怎樣看這個文化?為什麼?
我成日都覺得,一個人無能力呢,有冇「大佬文化」都唔會上到位,因為我哋唔係建制派、唔係民建聯呀,唔係是但搵個人出嚟都有鐵票選得贏。而且,以前成日鬧話民主黨「大佬文化」果啲人,自己都做咗大佬了,仲點會有「大佬文化」丫………

*因排版需要,部分圖片經過剪裁

請支持我們持續發展,透過PayPal或其他方法贊助我們!
金額:
分類:|發表於2014年7月6日 下午7:01

發表評論

讀取中…
教宗方濟各:星期日工作對社會冇益處