【游清源隨想(重溫版)】在回歸的路上|游清源

睇吓習總你點收料|銘爺|的士佬隨筆

2020-7-4 10:00
字體: A A A

唔解决問題,
而係解决提出質疑問題嘅人!
邊個多事就被解决!
有埋國安法呢個金剛圈,
箍到實一實,任Q佢講,
袋枝美國旗又好,英國旗都好,總之唔係五星旗就乜柒旗都唔得,仲要係都未攞出嚟,就話你觸犯國安法!
咁我想問一問,我袋枝中華人民共和國嘅國旗喺身,又會唔會觸犯國安法呢?
哦!心情好就話你係愛國!
心情唔好,就話你轉頭或者
一陣,意圖或企圖燒國旗!
係唔係又任你噏呢?
你鹵味,竟然可以人就拉咗,告埋觸犯國安法,但係就未有法庭,未有法官,
真係急到咁?所為何事呢?
要威嚇、震懾,有拉錯無放過,寧枉無縱,一定要搞到香港人個個笠水!
就係因為,習總曾經講過!
牢牢掌握,全面管治!
所以就不惜一切後果,
甚至,擺把刀喺你所謂嘅親生仔條頸到,哄你啲親家!
香港咁細你都搞唔掂,
點樣管咁大個國家?
一言堂,一人說了算!
咁嘅制度之下,真係靠得住?
廿幾個國家,輪住同你計數,黨內就自己鬼打鬼,
蝗禍、水災、疫情……
睇吓習總你點收料?
喂喂喂!
阿銘爺!
當飛翔過後,
還會眷戀籠中嘅安逸?
開工啦!
下一站:太古城

(圖片來源:CCTV中文国际 YouTube影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年7月4日 上午10:00

發表評論

讀取中…
國安法後,且看傳媒公關如何華麗轉身……|王陸|關公拆局