【游清源隨想(重溫版)】國王的客床|游清源

當權者就係要千方百計,將我哋香港人推向呢條路|銘爺|的士佬隨筆

2020-7-11 10:00
字體: A A A

將善哉,變罪過!
有人喺你附近暈低,
你會點做?
事緣前一排大約半夜兩點,
一名單身跑友,喺油塘邨跑步,但其間突然暈低倒下,好彩有另一名跑友,目睹整個過程,立即上前進行急救,及時送到醫院,救回一命!
暈低嘅跑友康復後,為咗要多謝恩人,喺油塘邨附近貼街招!
衷心感激恩人,救回本人一名,祝恩人和恩人家人,一世平安喜樂,天主保佑!
恩人見到街招後,
喺街招留底幾句!
得知你平安無事,
康復出院深感安慰,亦放下心頭大石,願你及家人平安!
一個盡其本分,
一個學懂感恩!
擁有同理心嘅社會,
先至可以發生呢啲事!
但係???
連一個小朋友,喺路上畀十幾部車轆過,都可以冇人關心,當睇唔到,事不關己,己不勞心,咁嘅社會,你接唔接受到?
當權者,就係要千方百計,
將我哋香港人推向呢條路,
到時你會揀,善哉定罪過?
喂喂喂!
阿銘爺!
良禽擇木而棲,
賢臣擇主而事!
開工啦!
下一站:數碼港

(圖片來源:網上影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年7月11日 上午10:00

發表評論

讀取中…
惡人當道,一笑置之|王陸|關公拆局