港人移民台灣,四大變數增難度!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

新常態|生活旅客博客

2020-7-11 21:00
字體: A A A

近嚟流行一個新詞彙 ~ 新常態。

執筆之時,香港再爆發第三波疫情,專家們再次提醒我哋,要習慣與病毒共存嘅 「新常態」。

其實,與病毒共存並非咩「新常態」。事實上,人類一向都係同唔同嘅病毒共存緊。只係以往啲病毒冇咁犀利,或者已經有相應對嘅疫苗而已。但以前嘅病毒喺未有疫苗對付之前,又何嘗唔係令人類聞風色變嘅疫症。

或者我哋比較「幸運」,生長喺醫療發達嘅今日。18世紀到19世紀初,即使今日人類認為普遍嘅流感都可以攞好多人命。而今日,touch wood講句,就算中咗武肺都唔係完全冇得醫。當然,最大嘅期望仍然係可以有疫苗。但歷史話畀我哋知,當某啲高傳染性嘅疾病有應對嘅疫苗後,又會有新種嘅傳染病,沒完沒了咁循環。

但今次嘅大流行,的確令人類感受到無可奈何嘅不確定性。大流行前所有國際間頻繁嘅往來、香港人習以為常嘅出外旅遊、飲茶飯聚等都變得遙不可及,或隨時受限制。

佛家經常講嘅「無常」,大概亦莫過於此。正所謂「今日唔知聽日事」,好多計劃好嘅事,即使簡單如同朋友聚會,都可能因應疫情而隨時有變,只可以見步行步。

所謂「人定勝天」不外係個自欺欺人嘅笑話。人最多只能夠儘量做好自己,喺疫境中保持正面積極嘅心態,希望捱過這段完全不確定嘅日子,回復到以往可以比較實際計劃自己生活嘅時代,已經算贏咗。

所謂留得青山在。戴口罩、勤洗手、保持社交距離,要夠長命,至會睇到有轉機嘅一日。願香港人共勉。

2020. 7. 10

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年7月11日 下午9:00

發表評論

讀取中…
【武漢肺炎】7.11衛生署醫管局記者會(有片)