中國經濟四大皆空,與美為敵今年收皮?

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

人情味|生活旅客博客

2020-7-25 21:00
字體: A A A

都講臺灣嘅人情味濃,的確係。

舊年8月,一位臺灣朋友嘅公子考到香港科大,朋友十五十六唔知好唔好畀個仔到香港讀書,因為當時社運已經進行得如火如荼。

最後由於年輕人嘅堅持,朋友都決定放佢到香港讀書,更舉家陪佢到香港搞入學手續。

當時適逢自己都喺香港,就略盡地主之誼,帶佢哋行吓西貢,同食咗餐便飯。

但香港嘅情況急速變化,開學冇幾耐,連續出現圍攻中大同理大事件,在港臺生都分批返咗臺灣,包括朋友嘅公子。

年輕人雖然返到臺灣,卻仍然一心諗住復課後再返科大繼續學業。點知跟住又出現疫情,到港版国安法出臺,朋友一家都堅決反對年輕人再到香港求學,年輕人無奈最後亦只好放棄返科大讀書嘅打算,入番臺大繼續學業。

講返人情味,就係因為當日喺香港對這位朋友嘅小小款待,佢每次嚟高雄都會專登帶好多佢哋屋企自家種嘅各式生果畀我,搞到我都覺得唔係幾好意思。前兩日,朋友又送嚟一大份時令嘅愛文芒果畀我,都係自家種,極鮮甜美味。

諗起只一年前嘅香港,雖然當時已經有好多社會運動,但仍然對海外好多人有吸引力。

諗唔到一年後嘅情況已變化如此,令人痛心疾首。

望著聞都聞得到香味嘅一堆芒果,回想只一年前帶朋友一家喺西貢暢遊,除咗一股人情味,卻亦感受到一陣極無奈嘅淒涼感覺。

人生中甜與苦嘅交集,大概就係這種複雜嘅滋味吧。

2020. 7. 23

 

朋友每次嚟高雄,都會帶自家種嘅生果畀我。前兩日,又送咗好多大大個嘅愛文芒果畀我。又香又大個。

睇住朋友送嘅美味芒果,諗番一年前同佢哋一家暢遊西貢。一年後香港嘅變化卻如此出人意表,真有非常無奈嘅百般滋味。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年7月25日 下午9:00

發表評論

讀取中…
甜蜜一百歲|陳頌紅網誌