【游清源隨想(重溫版)】這座城市如斯孤寂|游清源

神又係你,鬼又係你!|銘爺|的士佬隨筆

2020-8-1 10:00
字體: A A A

神又係你,鬼又係你!
7月15號開始,禁止晚市堂食!
兩個禮拜後,全日禁止堂食!
一日後,取消全日禁止堂食,恢復禁止晚市堂食!
足足有兩個星期嘅時間,比你班奴才度吓計,諗吓有乜辨法補鑊!
好喇!
最後都係決定堂食全日禁,殊不知,唔夠兩日就轉軚,轉番禁晚市!
其實行政會議班奴才,
拍板前有冇諗清諗楚?
大佬!唔係買棵菜啊!全港所有食肆,都係望住支指揮棒!
你就亂Q咁指,點跟呀?
你話全日禁,安排晒啲夥記更表,轉頭又話取消,入貨點計,入幾多好?唔係玩嘢吖?
真係藍都變黃!
仲有!疫情爆發咁耐,
食肆並唔係傳染嘅重災區!
唔好再將個注意力擺係食肆!
疫情第三波,唔係食肆擺關不力,
係港共政府辨事不力!
個地都拖乾咁滯,
你就靜雞雞,
喺後門放水,
整番濕佢!
仲要話係市民唔合作!
定係想時間換取空間,
借啲意,將立法會選舉延遲?
想延遲?人心唔回歸!
拖夠廿年都冇用!
喇喇聲!
做第二、三輪扶貧先喇!
喂喂喂!
阿銘爺!
唔怕神一般嘅敵人,
只怕豬一般嘅隊友!
開工啦!
下一站:紅磡火車站

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月1日 上午10:00

發表評論

讀取中…
仲有乜嘢做唔出?|王陸|關公拆局