老坑講呢啲網誌│點解唔係「唔理三六一十八」，而係「唔理三七二十一」？

游清源：「唔理三七二十一，你同我交咗稿先好放工！」

唔理三七二十一，係廣東人經常用嘅俗語，小學必念數學口訣「九因歌」，三五一十五、三六一十八、三七二十一，人人識背。何解偏偏係講三七二十一，而非其他數目呢？

原來，係同中國古代傳說有關。古老神話中，地獄有廿一層，後來演變成十八層。《管子》：「三七二十一尺而至于泉」，泉即係黃泉之泉。「三七二十一」代表最底層嘅地獄，後來引伸用嚟形容最惡劣嘅環境。唔理三七二十一，意思是即使淪落到最差的情況，亦在所不計。