【游清源隨想(重溫版)】命運|游清源

前舖後居,被告限聚!|銘爺|的士佬隨筆

2020-8-8 10:00
字體: A A A

前舖後居,被告限聚!
話說早兩晚,有個老友見冇得堂食,就約埋啲夥計,收左工喺舖頭打麻雀,江湖規矩,抽水食飯!
難得有個地方聚吓腳消遣吓,夥計們當然一口答應啦!
如是者,晚飯過後,
四位哥哥,磨拳擦掌,
準備大戰十二個東!
戰程此起彼落,你串吓我,我又趷番你,歡樂嘅時光過得特別快,將近第十個東,十二點四十五分,樓下傳黎敲鐵閘聲!
四位哥哥即刻停晒手,聽清楚係乜嘢聲?
真係有人敲閘,開唔開門?
敲閘聲繼續響起,
老細講咗聲,打麻雀啫,就起身落去開門!
唔好意思,有人投訴呢度有人打麻雀!
唔好意思阿sir,打完架喇,準備執嘢!
唔好意思,我要入去睇睇!
咦?你哋四個人喎,
限聚令只可以兩個人,你哋知㗎!
麻煩你哋攞身份證出黎!
就係咁,四位哥哥,
限聚令,每人2000港元!
唔係告你擾人清夢,
唔係告你聚賭,
係告你限聚令,死未?
解釋都冇用,
乜嘢前舖後居,乜嘢私人地方,叫你同法官講!
嘩!下次有枱客係三個人,畀唔畀上車好呢?
喂喂喂!
阿銘爺!
無言以對港人,
能力劣跡斑斑,
正道任重雖遠,
苦盡可以甘來!
開工啦!
下一站:海怡工貿

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月8日 上午10:00

發表評論

讀取中…
香港還能容下甚麼的博物館?|王陸|關公拆局