死過一百萬次|陳頌紅網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

立秋|生活旅客博客

2020-8-8 21:00
字體: A A A

唔經唔覺,今日已經立秋了。

今年講唔經唔覺,其實未必完全符合現實。所謂「快活不知時日過」,但2020嘅庚子年對全世界嚟講,卻係極為難過嘅一年。

不過正所謂關關難過關關過,無論日子如何,生活仍需繼續。

至於唔經唔覺嘅,係今年特別炎熱嘅天氣,令到立秋日都毫無秋意。如果唔係睇日曆,係完全冇辦法將今日同秋天聯想喺一齊。

事實上,近這十年八載,秋冬天都似乎喺我哋嘅生活中逐漸消失。但今年,的確特別更加比往年熱,而且焗。比如岡山,過往兩年踏入秋季,雖然都係熱天,但會有風,所以都相對涼爽。但今年,卻連續多日出現焗促悶熱天氣,係往年少有。

因為疫症大流行,由今年年初開始,世界各地嘅工商業,以至人類嘅日常活動都減少好多,對氣候嘅影響應該相對少咗。但天氣仍然火熱。老實講,如果唔係疫症流行,人類一如既往咁頻繁地活動,可能造成更大嘅溫室效應,悶熱程度會更加難以想像。

但人類始終都係環境嘅破壞源頭。雖然活動減少,卻因為禁足封城等措施,為地球製造更多嘅塑膠同醫療垃圾,比如外賣飯盒同口罩咁,相信對生態嘅破壞,唔會少過以往嘅各種活動。

有預言家話到咗秋季,疫症會漸趨緩和。而各國對研發疫苗亦似乎有所進展。希望立秋之後真有正面嘅發展吧。但關鍵係,當人類捱過今次嘅疫境後,可以反思幾多,並且願意身體力行,為環保盡幾多力量?

今日日頭天氣都非常悶熱。到晏晝落咗場大雷雨,黃昏時更出現亮麗嘅夕照。

其實大自然對人類總算寬厚。但如果人類依然固我,肆意破壞自然生態,是否重能夠期待大自然嘅寬待可以維持得好耐嗎?

2020. 8. 7

今日日頭天氣非常悶熱。到晏晝落咗場大雷雨,黃昏時出現亮麗嘅夕照。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月8日 下午9:00

發表評論

讀取中…
【制裁港官】林鄭回應制裁諷美辦事粗疏  「可提早註銷美國簽證了」