【武漢肺炎】8.15衛生署醫管局記者會(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

3組數字|生活旅客博客

2020-8-15 21:00
字體: A A A

對於高雄人嚟講,8個月內可以投票3次,應該都可以登上世界紀錄了。

2020年1月11號投票選總統。
2020年6月6號投票罷免市長。

文章見報時,2020年8月15號,市長補選結果應該早已塵埃落定。

唔同於上兩次嘅投票,今次高雄市長補選投票,幾乎已毫無懸念會由民進黨嘅陳其邁當選。

舊年9合1選舉,出身高雄嘅民進黨籍陳其邁以75萬票負於89票空降嘅国民黨籍韓国瑜,可謂多少有啲出人意表。但世事瞬息萬變,韓国瑜由政壇神話短短幾個月變咗政壇鬼話,除咗喺今年111總統選舉中慘敗,更喺666被斬草除根,遭到高雄市民唾棄罷免,至會有今日815嘅市長補選。

其實今次投票嘅焦點,已非陳其邁能否勝出,而係得票幾多而已。能否超越舊年9合1時佢自己嘅75萬票,或對手當時嘅89萬票,以至韓被罷免時嘅接近94萬票?

一般而言,補選嘅投票率都未必會好高,尤其係某候選人已幾乎贏硬,即使支持者嘅投票動力都未必可以被提高,因為會有少我一票唔少嘅鬆懈心理。當然,越高得票率除咗可以反映當選人嘅被認可程度,喺今次補選中嘅另一層意義,係對執政民進黨嘅認可程度。所以陳其邁嘅得票率,仍然係值得關注嘅。

111、666、815這3組數字,對高雄市民,以至臺灣人嚟講,都係值得銘記嘅符號。

香港人對多組數字就更加唔會陌生,尤其自舊年反修例運動以嚟,已經出現好多組令人無法忘記嘅數字。

但對於整個香港嘅前世今生,以至而家所經歷嘅種種跌宕嚟講,相信好多人認為最相關嘅3組數字,應該都係 97、689 同 777 了。

2020. 8. 14

短短8個月內,高雄人經歷3次投票 ~ 111總統選舉、666罷免市長,同今次815補選市長嘅投票。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月15日 下午9:00

發表評論

讀取中…
【立會選戰】梁家傑稱民主派若拒延任顯奇怪 政府無人監督勢「長驅直進」