【武漢肺炎】8.22衛生署醫管局記者會(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

防疫和讀書|生活旅客博客

2020-8-22 21:00
字體: A A A

防疫同讀書,本來係兩件冇咩關係嘅事。

一次疫症大流行,令好多戶外活動同聚會都要減少。留喺屋企,好多人除咗上多咗網,亦會做唔同嘅居家活動,比如畫吓畫、彈吓琴、煮吓飯仔啊咁。而書,亦多咗人睇。

受朋友挑戰,喺7日內喺FB分享7本曾經睇過嘅書,可以隨心寫吓短評,並挑戰另一位朋友接力,作為居家防疫期間推廣讀書風氣嘅一種活動。

透過這次經歷,令我重溫咗幾本睇過嘅書,而其中一本,就係《蔣介石王牌悍將張靈甫傳》,一本非常值得分享嘅書。

認識這位英俊非凡嘅抗日名將,係當年喺上海工作,週末喺屋企附近書店流連嘅日子。

某次行書局,眼球好快就被這本書吸引。因為封面位軍人,實在係太太太靚仔啦。

當年大陸比而家更開放,喺上海都可以上FB、Google同用WhatsApp。亦出版咗好多關於國軍多位抗日名將評述嘅書籍,張靈甫係其中一位。

書中對這位極高顏值,但卻令侵華日軍聞風喪膽嘅74師師長嘅事蹟從多方面探究,即使對最後令佢殉職嘅內戰孟良崮之役嘅評述都採納咗唔同角度嘅資料同客觀分析,而唔係戰狼式歇斯底里同冇理性嘅抹黑謾罵,喺大陸嘅出版中可算非常中肯同難得。相信今時今日,這本書喺入面應該早已被落架了。

今日重溫這本書,不免多咗好多唏噓。除咗慨嘆於一代抗日名將最後卻慘遭「都係中國人」嘅 「同胞」殺戮,亦感慨於當年以為中国會越嚟越開放同包容事實,以致這部書當時可以喺大陸發行。比較今時今日,歷史卻在開倒車行回頭路,係當年對未來充滿憧憬嘅好多人都預計唔到的。

講返這次分享,7位接受挑戰嘅朋友中有4位都完全完成咗整個接力,分享佢哋睇過嘅書,亦由此對佢哋多咗了解,都可謂係額外嘅收獲了。

2020. 8. 21

受朋友挑戰,喺7日內喺FB分享7本曾經睇過嘅書。而其中一本《蔣介石王牌悍將張靈甫傳》,係一本非常值得分享嘅書。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月22日 下午9:00

發表評論

讀取中…
【港版國安法】澳洲延長港人簽證措施生效 約萬名在澳特區護照持有人可受惠