【武漢肺炎】8.29衛生署醫管局記者會(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

FB嘅一位朋友|生活旅客博客

2020-8-29 21:00
字體: A A A

最近喺FB經常見到一位越南朋友嘅貼文。

認識這位越南朋友係2016年聖誕,當年妹妹建議去吓越南旅遊。由於語言唔通,又對當地治安有疑慮,我哋就決定跟旅行團去。

而這位朋友,就係當地嘅導遊。佢係華裔,識講廣東話、閩南話同國語,對團友都照顧周到,所以好快成為朋友。大家都叫佢雄哥。

由於喺旅遊巴我哋嘅坐位較前,休息時就會同雄哥傾吓偈,更漸漸被佢講嘅經歷吸引。

70年代,大量南越船民因為越戰後逃避共剷政權投奔怒海,好多香港人仍然會記得當年電台經常播放嘅「不漏洞拉」,而雄哥亦試過投奔怒海達3次之多。

雄哥雖然偷渡3次,卻居然冇一次成功,有次畀拉返重坐咗排監,又要籌錢贖身。佢講嘅每次偷渡經歷都好似拍戲咁,細節已唔記得太清楚,但都好緊張刺激。

當年同雄哥一齊偷渡嘅朋友,有啲最後去咗美國,亦有啲中途停留喺香港後就落地生根。更有啲之後就音訊全無,真正投奔咗怒海。

而偷渡3次都失敗嘅雄哥,就惟有繼續留喺越南咬緊牙關生活落去。

時而世易,越南開始改革開放,最初有好多臺灣商人到越南做生意。由於識講國語同閩南話,雄哥就開始幫臺灣到越南做生意嘅商家做嚮導,帶佢哋喺當地做買賣,以至遊山玩水呀咁,漸漸就賺咗第一桶金。

之後雄哥就買屋買地,亦繼續做導遊同代購嘅業務,變得生活無憂,更有錢供寶貝女去美國讀大學。

而佢仍然會freelance接吓導遊團搵外快,寓工作於娛樂,同人講吓自己嘅經歷,有得玩有得食又有錢搵,不亦樂乎。

最近喺FB又見佢同一班朋友踩單車環遊越南各地,生活得好寫意。

命運係好奇妙。當年滿目瘡痍嘅越南,同投奔怒海3次都失敗嘅一個年輕人,經歷幾十年後終於能夠苦盡甘來、生活愜意,雖然唔講得上非常勵志,起碼都證明希望永遠在明天。

只要唔放棄,留得青山在。

要夠長命至有機會等到轉機,笑到最後。

2020. 8. 28

胡志明市(西貢)嘅天主教堂同郵政總局,都係殖民地時代嘅建築。

充滿越南風味嘅庭園。

70年代,好多越南人由這處投奔怒海。偷渡3次都失敗嘅雄哥就只能夠咬緊牙關留喺越南奮力生存。時移世易,雄哥雖然最後都冇辦法離開越南,而家卻都生活得好富裕愜意。證明希望總在人間。最緊要,鬥長命。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年8月29日 下午9:00

發表評論

讀取中…
港大邀外國記者任訪問學者 入境處提50問題拖延簽證申請終告吹