鄭若驊稱特首是特區「雙首長」 不應只著眼於「概念的表面稱謂」

唉!有頭髮邊個想做癩痢?|銘爺|的士佬隨筆

2020-9-5 11:00
字體: A A A

早一排偉大祖國嘅李克強總理,為咗想振興經濟,提出甚麽地攤經濟理論!地攤係乜?
咪就係香港人叫嘅小販囉!
講開小販呢樣嘢,
小弟屋邨仔出身,
眼見當時屋邨嘅小販,
賣菜嘅可以上樓,
賣生果都上到樓,
喺街邊賣紅豆冰,都可以養妻活兒!
但基於阻街、無牌,及衛生問題,有部分市民極力反對,於是當時港英政府,開始立例規管無牌小販!
有規矩梗係好啦,
但有冇諗過,唔係個個都係大學畢業,唔係人人都可以搵份好工!
諗住自食其力,馬死落地行,唔去攞政府資源,靠自己嘅才藝,喺路邊畫幅畫畀人欣賞吓,啱嘅就擺低錢,
咁都要畀人告阻街及無牌擺賣!
唉!有頭髮邊個想做癩痢?
不如咁喇,等疫情過後,計劃吓喺維園,
搞番個夜市,好似以前大笪地咁,晚行朝拆,
一檔小販養活一家人,成個維園咁大,最少有二、三百檔!
諗諗佢吖,
行會嘅精英們!
喂喂喂!
阿銘爺!
肥上瘦下企唔穩,
上瘦下肥先穩陣!
開工啦!
下一站:
青年廣場(柴灣)

(圖片來源:有線電視 CABLE TV & 有線新聞 CABLE News YouTube影片截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年9月5日 上午11:00

發表評論

讀取中…
【游清源隨想(重溫版)】這是鄉港,不是突區!|游清源