即時點評:香港前途檔案解封 勢掀港政改新爭議

Angelina

-空中飛傭

空中小姐,其實即係空中飛傭,只係一個在飛機上工作的傭工,你睇我好,我睇你好,其實是他也是你和我,打份工啫,得閒咪上嚟講吓是非囉。

Angelina網誌│空姐眼中的五大乘客惡行(二)

2014-1-4 13:00
字體: A A A

惡行之二:撳call bell

撳call bell唔係罪,乘客有需要時當然要撳,正如我自己去餐廳食飯想要杯熱水,都要舉手叫waiter一樣。但如果乘客在以下幾種情況下撳call bell,請不要怪空姐翻白眼翻到眼球後去。

一. 撳錯bell

每個人搭飛機都總會試過撳錯bell。因為想撳閱讀燈撳錯/手肘唔小心碰到/試撳所有制/太肥所以碰到/唔知咩制試吓撳/覺得撳完後的叮叮聲好好聽,等等,fine,無所謂。第一次撳錯bell,看到你無辜的眼神,我都仲會笑笑口教你點用call bell。第二次撳錯,我會對你說句「傻的嗎」再教你用多次。第三次打後,sorry,我會翻白眼然後直接撳熄佢。

二. 派餐前

起飛後、派餐前是空姐最忙碌的時,因為要入餐、砌餐車上的飲品、移走雪糕上的乾冰、派特別餐、準備咖啡茶。這時候……

「叮!」
「需要幫忙嗎?」
「什麼時候有飯吃?/我要一杯可樂!/小朋友餓了,先給他吃!」

當面對這些要求時,真是EQ低點都不行。你以為這裏是快餐店嗎?就係你阻住阿姐入餐,所以咪未有得食囉!小朋友大哂呀?成機人都餓啦!

不過,身為一個高EQ的空姐,正確回應是:「好的,很快就有啦~^^」

溫馨提示:想盡早食到飛機餐的話,請訂特別餐,當然最好隨身攜帶食物。

P.S. 其實除了起飛和降落時,我們都會立刻跑去應call bell,是立刻,因為公司的文化是要大家搏表現。很多時辛苦工作完餓得可以吃掉家明時,剛把一口飯放入口裏,「叮!」我就立刻鯨吞那口飯衝出去。Call bell和999的原理一樣,(空姐的)性命攸關,請勿濫用,違者可被詛咒。(Angelina)

(網上圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年1月4日 下午1:00

發表評論

讀取中…
丘偉華網誌│歷史又要港人照鏡