黨國高人49年前預言,美國必被中共騙!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

再談移民|生活旅客博客

2020-9-12 21:00
字體: A A A

由舊年反送中、社會運動開始,到疫症大流行,以至今時今日立咗国安法,過百警力搜查蘋果日報、政府以防疫為理由取消立法會選舉但又大搞同樣存在人群聚集風險嘅全民檢測、警察追捕手無寸鐵嘅12歲細路女……喺香港每日出現無窮盡嘅荒謬場景,令移民這個話題越炒越熱,身邊亦有更多朋友積極考慮移民。

正如之前曾經談及,移民唔係只憑一時衝動,可以考慮push同pull,give and take factors以做出合理決定,減少將來後悔嘅可能。

但世事無絕對,有時考慮太多,到最後就變咗猶豫不決,得個諗字。

之前国安法一出,就已經有幾個朋友衝動到好似想第二日就搭飛機移民,係咁搵移民公司諮詢。但當考慮到現實各種條件,就開始猶豫。而 BNO平權嘅進展,亦令到一啲原本諗住搞移民臺灣嘅朋友改為考慮用BNO去英國,最主要係因為而家移民臺灣嘅 「成本」貴咗,要做足3年實務性嘅生意,重要請兩名臺籍員工。以臺灣而家嘅最低工資計,3年單就人工支出就接近45萬港幣,再加上移民顧問費用同其他會計、審計同業務開支、生活費等,起碼要駛約100萬港幣。

而用BNO去英國,因為冇規定要做生意同投資,反而重可以搵嘢做,成本就似乎更少。只係有冇信心同決心喺英國打拼同生活嘅考慮。

話雖如此,一啲持BNO嘅朋友,尤其係一家大細嘅,對於要遠赴英國仍然有所顧慮。這些朋友通常係中產,喺香港有車有樓。要憑BNO去英國,好多時就要賣樓,帶住筆錢去英國似乎唔難,可以用賣樓嘅錢喺英國一啲二、三線城市買番個apartment,居住應該唔係問題。但問題係即使有地方住,能否適應當地生活、將來點謀生、醫療,以至子女教育等都係要考慮嘅情況。於是又唔係可以話走就走咁容易了。

總之,移民的確唔係容易嘅決定,但某程度上亦真係需要一啲衝動同決心至可以成事。

事實上,好多之前移民嚟咗臺灣嘅朋友,一攞到身份證就即刻返咗香港,即使而家香港發生咁多事,佢哋都仍然喺香港,而臺灣嘅身份,似乎只係一種類似BNO嘅保障而已。

當然,如果行BNO個path,就唔係可以好似喺臺灣咁,話返香港就返香港咁容易了。

其實好多香港人真係唔想移民,亦唔係咁容易就可以移民。而要喺移同唔移,移去邊等問題上掙扎,的確係好忐忑,亦令人無限欷噓。

2020. 9. 10

臺灣有好多靚嘅地方。但大多數移民過嚟嘅朋友喺攞到身份證後又會返番香港,即使而家都係。而臺灣嘅身份似乎只係一種類似BNO嘅保障而已。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年9月12日 下午9:00

發表評論

讀取中…
【武漢肺炎】3患者等候全民檢測結果期間證實染疫 屯門醫院有病人初步確診