專家揭中共稱霸藍圖,第一步即被美K.O.!

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

三說移民|生活旅客博客

2020-9-26 21:00
字體: A A A

講咗兩次關於移民嘅題目,今次再講番啲近期關於移民臺灣嘅情況。

正如上次所講,自從BNO平權後,好多原本打算移民臺灣嘅朋友就hold住咗原來嘅計劃,準備考察咗移民英國嘅可行性先。主要原因,係因為而家移民臺灣嘅批准難度高咗,而香港人多數用以投資移民600萬臺幣嘅要求又包含咗要聘請兩名臺籍員工,唔係好似之前就咁做吓網店就可以通過,成本高咗好多,所以令好多原本打算嚟臺灣嘅人卻步,而去英國就冇要求任何經營成本,只要諗掂移民後嘅生活費用就可以。更何況而家臺海局勢兵兇勢危,而去英國就更一勞永逸,更加安全無虞。

前幾日睇咗一間移民公司搞嘅移民臺灣網上說明會,亦印證咗近來申請移民臺灣嘅人真係比較少咗。當然,比較起舊年香港反修例運動前仍然多咗好多,以至審批嘅時間都比以往長咗好多。

如果單以移民成本嚟講,新例(聘請兩名臺籍員工,營運3年)實施前移民臺灣的確係比較容易嘅選擇(而且當時亦未有BNO平權),因為只要1年就可以入籍。好多朋友入咗籍後就返香港,而臺灣就成為渡假時嘅第二家園。

新例實施後,要經營實體生意,重要盤生意養到兩名臺籍員工達到3年,即使撇除人工成本嘅因素,對好多唔係做開生意嘅朋友嚟講都唔容易。簡單啲講,好多人根本就唔知要做咩生意。

坊間有啲移民公司就推出咗好多「套餐」,參加者只要肯出錢,移民公司就包辦所有經營以至聘請員工,公司會計到核數等所有事項。這種所謂「套餐」,包括要參加者加盟特許經營店掛名做經營者,或者入股某啲臺灣本地公司做股東,形形色色,目的都只係要參加者畀錢搞掂。精明謹慎如香港人,好多都未必「落搭」。亦有朋友花盡心思諗到可以自己經營某項目,卻諗唔掂點樣滿足聘請兩名臺籍員工嘅要求,居然有某所謂嘅「移民達人」教佢「買人頭」做數,可謂極之唔道德。當然,朋友亦唔係傻,點會肯無端端送錢畀人用,但佢嘅遭遇,卻反映出有無良移民公司為咗賺錢,對心急搞移民嘅人點紅點綠。畀錢事少,但用詐騙手段獲取到移民資格,萬一查到,恐怕移民監坐唔成,卻有機會真係坐監。所以大家一定要小心為上。

其實除咗投資移民,臺灣重有一種創業移民。香港有一、兩間有規模嘅移民公司同臺灣嘅大學創意園區有合作嘅項目亦係可以考慮嘅一個途徑。創業移民嘅好處係並冇硬性規定聘請兩名臺籍員工嘅要求,可以one-manband,慳番一大筆人工支出。但創業移民對營業額或營運費用就有要求,而且需時5年,每年重要喺臺灣住夠183日或以上等等嘅要求。如果只係諗住速戰速決攞到臺籍就返香港則並不適合。但真正有心喺臺灣落地生根做吓小生意嘅朋友就不妨考慮。

總而言之,移民需要慎重,更加唔好相信提供唔正規方法嘅什麼移民KOL方案,以防使咗錢卻搞唔成移民,甚至可能犯上官非,實在非常唔值得。

2020. 9. 24

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2020年9月26日 下午9:00

發表評論

讀取中…
【港版國安法】陳弘毅指警方律政司為執法重要角色 料國安法難解港人身份認同問題